મિલરે ભારતના પ્રવાસમાં શાનદાર પ્રદર્શન કર્યું છે. તેણે T20ની બીજી મેચમાં 106 રનની ઇનિંગ રમી હતી. આ સાથે જ તેણે પ્રથમ વનડેમાં 75 રન બનાવ્યા હતા. આફ્રિકન ટીમને T20માં હારનો સામનો કરવો પડ્યો હતો.

ભારત અને દક્ષિણ આફ્રિકા વચ્ચે ત્રણ મેચની વનડેની બીજી મેચ રવિવારે (8 ઓક્ટોબર) રાંચીમાં રમાશે. આ મેચ પહેલા દક્ષિણ આફ્રિકાની ટીમના અનુભવી બેટ્સમેન ડેવિડ મિલરને મોટો ઝટકો લાગ્યો છે. મિલર પર દુ:ખનો પહાડ તૂટી પડ્યો છે. તેના એક નાનકડા ચાહકનું દક્ષિણ આફ્રિકામાં અવસાન થયું છે. મિલરે સોશિયલ મીડિયા પર વીડિયો શેર કરીને આ અંગે જાણકારી આપી હતી. પહેલા આ નાનકડી ચાહક મિલરની પુત્રી હોવાનું કહેવાતું હતું, પરંતુ પછીથી પુષ્ટિ થઈ કે તે પુત્રી નથી.

ઇન્સ્ટાગ્રામ પર વિડિયો શેર કરતાં મિલરે લખ્યું, "મારી સ્વીટ પ્રિન્સેસને RIP, પ્રેમ હંમેશા રહેશે!"

આ નાનકડા મિલરના ચાહકને કેન્સર હતું. વીડિયોમાં બંનેની ઘણી તસવીરો જોવા મળી રહી છે. તે ક્રિકેટ રમતી પણ જોવા મળે છે. મિલરની આ પોસ્ટ પર વિશ્વના ઘણા ખેલાડીઓએ દુઃખ વ્યક્ત કર્યું છે. વેસ્ટ ઈન્ડિઝના રાયદ અમૃત અને ભારતના ફાસ્ટ બોલર ચેતન સાકરિયાએ કોમેન્ટ્રી કરી બંનેએ શ્રદ્ધાંજલિ આપી છે.