ભારતમાં અમેરિકાના એમ્બેસેડર સર્જિયો ગોરે પ્લેટફોર્મ એક્સ પર ઈન્ટરનેશલ ક્રિકેટ કાઉન્સિલ અને તેના ચેરમેન જય શાહનો આભાર માન્યો છે. અમેરિકન એમ્બેસેડર સર્જીયો ગોર દ્વારા થોડાક સમય અગાઉ , મુંબઈમાં વાનખેડે સ્ટેડિયમમાં ભારત અને અમેરિકા વચ્ચે જે ICC T20 વર્લ્ડ કપની મેચ રમાઈ તેમાં હાજરી આપવામાં આવી હતી. સર્જિયો ગોર દ્વારા એ વાતની નોંધ પણ લેવામાં આવી છે કે , અમેરિકામાં ક્રિકેટનું ભવિષ્ય ખુબ ઉજળું છે. 

પ્લેટફોર્મ એક્સ પર સર્જિયો ગોરે લખ્યું છે કે , " #T20WorldCup માં ક્રિકેટની અદ્ભુત સાંજ માટે @ICC અને @JayShah નો આભાર! હું અનુમાન કરું છું કે આગામી ઓલિમ્પિક્સ સહિત યુનાઇટેડ સ્ટેટ્સમાં ક્રિકેટનું ભવિષ્ય ખૂબ જ ઉજ્જવળ છે." અમેરિકાના એમ્બેસેડર સર્જિયો ગોરએ ICCના ચેરમેન જય શાહને મળ્યા હતા. ત્યારબાદ બને વચ્ચે અમેરિકામાં ક્રિકેટના ભવિષ્યને લઇને ચર્ચા કરવામાં આવી હતી. પ્લેટફોર્મ એક્સ પર સર્જિયો ગોર દ્વારા એક બીજી પોસ્ટ કરવામાં આવી હતી જેમાં તેમના દ્વારા લખવામાં આવ્યું હતું કે , " "અમે અમારા વિશ્વ કક્ષાના માળખાગત સુવિધાઓ, સ્ટાર પ્રતિભા અને અદ્ભુત ચાહકો સાથે યુનાઇટેડ સ્ટેટ્સમાં ક્રિકેટના ઝડપી વિકાસ વિશે ચર્ચા કરી" . 

સર્જિયો ગોર ત્યારબાદ , રીલાયન્સના ચેરમેન મુકેશ અંબાણી સાથે પણ ચર્ચા થઇ હતી. થોડાક સમય અગાઉ , ભારત અને અમેરિકા વચ્ચે ટ્રેડ ડીલ થઇ છે. હવે રમતગમત ક્ષેત્રે પણ બંને દેશો વચ્ચે સબંધો મજબૂત થઇ રહ્યા છે.