સાઈબર ફોડનો ભોગ અનેક લોકો બની રહ્યા છે. સાયબર ફ્રોડના કિસ્સાઓમાં સતત વધારો જોવા મળી રહ્યો છે. લોકોને લૂંટવા હેકર્સ દ્વારા અલગ અલગ રસ્તાઓ અપનાવામાં આવતા હોય છે. એક ક્લિકમાં તમારા રૂપિયા ઉડી જતાં હોય છે. ત્યારે દિલ્હી પોલીસે એક ગ્રુપને ગિરફ્તાર કર્યો છે જે નકલી વેબસાઈટ બનાવી લોકોને ઠગવાનું કામ કરતું હતું. આ લોકોએ કરોડો રૂપિયાની ઠગાઈ કરી છે. 

ડી-માર્ટ, બિગ બાસ્કેટની બનાવતા હતા ફેક વેબસાઈટ! 

ઓનલાઈન શોપિંગનો કેઝ દિવસેને દિવસે વધી રહ્યો છે. અનેક કલાકો સુધી લોકો મોબાઈલમાં વીતાવતા હોય છે. ત્યારે એવા ઓનલાઈન ઠગાઈ થવાના કિસ્સાઓમાં પણ વધારો જોવા મળી રહ્યો છે. એવી ઘટનાઓ સામે આવતી હોય છે જેમાં ડિસ્કાઉન્ટની લાલચમાં લોકો લાખો રૂપિયા ગુમાવી દેતા હોય છે. ત્યારે દિલ્હી પોલીસે 6 લોકોની ધરપકડ કરી છે જે ફર્જી ડી-માર્ટ, બિગ બાસ્કેટ, બિગ બજાર જેવી કંપનીની નકલી વેબસાઈટ બનાવી લોકો સાથે ફ્રોડ કરતા હતા. ડિસ્કાઉન્ટની લાલચમાં લોકો જ્યારે એ લિંકને ઓપન કરે છે, અને જ્યારે ડેબિટ અથવા તો ક્રેડિટ કાર્ડથી પેમેન્ટ કરે છે તો આ લોકો તેનું એક્સેસ લઈ લે છે અને અકાઉન્ટમાંથી પૈસા પડાવી દે છે.       

આ મામલે 6 લોકોની પોલીસે કરી ધરપકડ 

આ મામલાની જાણકારી આપતા પોલીસે જણાવ્યું હતું કે 3 એપ્રિલના રોજ ગૌતમ બુદ્ધ નગર પોલીસની સાઈબર હેલ્પલાઈનની ટીમે આ 6 લોકોની ધરપકડ કરી છે. તે લોકો ડી -માર્ટ, બિગ બાસ્કેટ ઉપરાંત અનેક ફેક વેબસાઈટ બનાવી લોકોને ઠગતા હતા.

ડિસ્કાઉન્ટની લાલચમાં બને છે ઓનલાઈન ફ્રોડનો શિકાર  

ઓનલાઈન ફ્રોડ અંગેની વાત કરી તો લોકોને લોભાવા ફર્જી વેબસાઈટ બનાવે છે. જે ઓરિજિનલ વેબસાઈટની જેવી જ લાગતી હોય છે. વેબસાઈટના સ્પેલિંગમાં માત્ર નાનકડો બદલાવ કરવામાં આવતો હોય છે. જ્યારે વેબસાઈટની લિંક આપણને દેખાય છે તો તે લોકો તેને ઓરિજિનલ વેબસાઈટ માની તેની પર ક્લીક કરતા હોય છે. અને આવી સરળતાથી ઠગ લોકોની જાળમાં લોકો ફસાઈ જતા હોય છે. 

સતર્ક રહી કરવો જોઈએ ઈન્ટરનેટનો ઉપયોગ 

પેમેન્ટ માટે જ્યારે પોતાની ડિટેલ્સ નાખે છે તો તેને હેક કરી અકાઉન્ટમાંથી પૈસાની ચોરી કરી લેતા હોય છે. ત્યારે આપણે ઓનલાઈન શોપિંગ કરતા પહેલા સર્તક રહેવું પડશે. જાગૃતતા લાવવાની જરૂરી છે. કોઈ પણ આવી વેબસાઈટ ઉપર ક્લીક કરતા પહેલા સ્પેલીંગ ચેક કરવો જોઈએ. ઉપરાંત જો પાસેથી કોઈ પીન માગે તો શેર ન કરવી જોઈએ.