ઈટાલીમાં પહેલીવાર મહિલા સંસદ સભ્યએ સંસદમાં પોતાના બાળકને સ્તનપાન કરાવ્યું હોવાનો કિસ્સો સામે આવ્યો છે. સંસદ સભ્ય ગિલ્ડા સ્પોર્ટિએલો સંસદના નીચલા ગૃહમાં પોતાના પુત્રને સ્તનપાન કરાવતી હતી, તેને જોઈને તમામ સાંસદોએ તાળીઓ પાડીને તેના આ પગલાને આવકાર્યું હતું. ગિલ્ડા સ્પોર્ટિએલો બુધવારે નીચલા ગૃહમાં તેના નવજાત શિશુને સ્તનપાન કરાવનારી પ્રથમ ઇટાલિયન સાંસદ બની હતી.

“Fa il suo esordio in aula il piccolo, piccolissimo, figlio Federico, della nostra collega Sportiello: è per la prima volta, con l’unità dei Gruppi, in aula con noi”

L’annuncio in Aula alla #Camera il presidente di turno #GiorgioMulè provoca gli applausi di tutti i deputati pic.twitter.com/sI8ZqvJhiv

— Fanpage.it (@fanpage) June 7, 2023

અધ્યક્ષ જ્યોર્જિયો મુલે આપી શુભકામના

ઈટાલી જેવા પુરુષપ્રધાન દેશમાં આવું પહેલીવાર બન્યું છે. સંસદીય સત્રની અધ્યક્ષતા કરતી વખતે, જ્યોર્જિયો મુલેએ કહ્યું- 'આવું પ્રથમ વખત બન્યું છે. Gilda Sportiello ને મુક્ત, લાંબા અને શાંતિપૂર્ણ જીવન માટે શુભેચ્છાઓ. હવે આપણે ધીમે ધીમે બોલીશું.

ઈટાલીમાં સાંસદને છે સ્તનપાનની પરવાનગી

Gilda Sportiello ડાબેરી ઝુકાવ ધરાવતી ફાઇવ-સ્ટાર મૂવમેન્ટમાંની સભ્ય છે. અત્રે ઉલ્લેખનિય છે કે તે એ જ સાંસદ છે જેમણે સંસદીય સત્ર દરમિયાન મહિલાઓને તેમના બાળકોના ઉછેર અને સ્તનપાન કરવાની મંજૂરી આપવા સંબંધિત નિયમ માટે લડત ચલાવી હતી. ગયા વર્ષે, સંસદીય નિયમોની પેનલે મહિલા સાંસદોને તેમના બાળકો સાથે ચેમ્બરમાં પ્રવેશવાની અને બાળક એક વર્ષનું થાય ત્યાં સુધી તેને સ્તનપાન કરાવવાની મંજૂરી આપી હતી. સ્પોર્ટીલોએ સ્તનપાન કરાવ્યા બાદ કહ્યું હતું કે 'ઘણી મહિલાઓએ સમયના અભાવે પોતાના બાળકોને સ્તનપાન કરાવવાનું બંધ કરી દીધું છે. આમ કરવાની તેની ઈચ્છા ન હતી, પણ કામના કારણે તેમણે આમ કરવું પડતું હોય છે.