ICC ક્રિકેટ વર્લ્ડ કપ 2023ની ફાઈનલ ભારત અને ઓસ્ટ્રેલિયા વચ્ચે અમદાવાદના નરેન્દ્ર મોદી સ્ટેડિયમમાં રમાઈ રહી છે. ઓસ્ટ્રેલિયાએ ટોસ જીતીને બોલિંગ કરવાનું પસંદ કર્યું હતું. ભારત પ્રથમ બેટિંગ કરી રહ્યું છે. રોહિત શર્માએ પ્લેઈંગ ઈલેવનમાં કોઈ ફેરફાર કર્યો નથી. ઓસ્ટ્રેલિયાએ પણ સેમિફાઇનલ ટીમ સાથે પ્રવેશ કર્યો છે. ભારત અને ઓસ્ટ્રેલિયા 20 વર્ષ બાદ વર્લ્ડ કપ ફાઇનલમાં આમને-સામને છે. આ પહેલા આ બંને ટીમો 2003 વર્લ્ડ કપની ફાઇનલમાં આમને-સામને હતી.  ભારત-ઓસ્ટ્રેલિયા વચ્ચેની આ ફાઈનલ મેચને લઈને દુનિયાભરના ક્રિકેટ ફેન્સમાં ભારે ઉત્સાહ જોવા મળી રહ્યો છે. વર્લ્ડ કપ 2023ની ફાઈનલ મેચની તમામ મહત્વની અપડેટ તમે અહીં વાંચી શકો છો.

ભારતની ત્રીજી વિકેટ પડી

ભારતની ત્રીજી વિકેટ પડી છે. શ્રેયસ અય્યરે ફાઈનલ મેચમાં નિરાશ કર્યો છે. શ્રેયસ માત્ર ચાર રન બનાવી શક્યો હતો. શ્રેયસને પેટ કમિન્સ દ્વારા વિકેટ પાછળ જોશ ઈંગ્લિસના હાથે કેચ આઉટ કરાવ્યો હતો.  રોહિત શર્મા 47 રનની તોફાની ઇનિંગ રમીને આઉટ થયો છે. રોહિત ટ્રેવિસ હેડના હાથે ગ્લેન મેક્સવેલના હાથે કેચ આઉટ થયો હતો. રોહિતે 31 બોલની ઈનિંગમાં ચાર ચોગ્ગા અને ત્રણ છગ્ગા ફટકાર્યા હતા. ઓસ્ટ્રેલિયાને શુભમન ગિલની પહેલી મોટી વિકેટ મળી હતી. સ્ટાર્કે ગિલને પવેલિયન ભેગો કર્યો હતો. ગિલ એડમ ઝમ્પાના હાથે કેચ થયો હતો. ગિલે સાત બોલનો સામનો કર્યો હતો અને માત્ર ચાર રન બનાવીને આઉટ થયો હતો.ભારતનો સ્કોર 15 ઓવરમાં 3 વિકેટ પર 102 રન છે.