અનેક પરિવારો પોતાના બાળકોને વિદેશ ભણવા માટે મોકલતા હોય છે. આપણા ઓળખીતામાં જ એવા અનેક લોકો હશે જેમના સંતાન ભારત છોડી બીજા દેશમાં વ્યવસાય અથવા તો ભણવા ગયા હશે. અનેક મા બાપ દીકરીઓને કેનેડા ભણવા કે નોકરી કરવા મોકલતા હોય છે. તેમને હરખ હોય છે કે દીકરો કે દીકરી ડોલરમાં કમાશે અને તેનું જીવન સુધરશે. પણ સમાચાર પત્રોના અહેવાલો મુજબ ચાલી તો કંઈક બીજુ જ રહ્યું છે. આવો જાણીએ સમાચારમાં શેનો પર્દાફાશ થયો છે..  

ખર્ચો કાઢવા વિદ્યાર્થીઓ કંઈ પણ કરવા હોય છે તૈયાર!

સમાચારમાં પર્દાફાશ થયો છે કે કેનેડામાં ચાલતા સેક્સ રેકેટમાં ભારતીય વિદ્યાર્થિનીઓને ફસાવામાં આવી રહ્યા છે. સેક્સ દલાલો ટોરન્ટોમાં યુનિવર્સિટી, બસ સ્ટોપ, ભગવાનના મંદિરોમાં ફરે છે અને ભારતીય વિદ્યાર્થિનીઓને શોધવા માટે ફરે છે. તેઓ એવી ભારતીય વિદ્યાર્થીઓની શોધમાં રહે છે જે પોતાનો ખર્ચો કાઢવા કોઈ સાથે સૂવા પણ તૈયાર થઈ જાય. વિદ્યાર્થિનીઓ પણ આવું કરવા તૈયાર થઈ જાય છે કારણ કે તેમને ખર્ચો કાઢવો હોય છે અને બાકી અંદરની વાત કરીએ તો જોમ મળવામાં ભારે મુશ્કેલી થાય છે. 

વિદ્યાર્થીનીઓને સેક્સ રેકેટમાં ફસાવવામાં આવે છે!

આ વાત બહુ ગંભીર છે પણ એટલી જ સાચી છે કે કેનેડામાં ભારતીય વિદ્યાર્થિનીઓનુ સેક્સ ટ્રેફેકિંગ વધી રહ્યું છે. ગયા વર્ષે 18 વર્ષની ભારતીય વિદ્યાર્થિનીઓને સેક્સ રેકેટમાં ધકેલવા માટે ત્રણ ઈન્ડો કેનેડિયન દલાલોની ધરપકડ થઈ હતી. આ લોકો ઓનલાઈન સેક્સ સર્વિસ ચલાવતા હતા. દલાલોને એક છોકરી પાસેથી સરેરાશ 2.3 લાખ ડોલર કમાણી થઈ જાય છે. 2.3 લાખ ડોલર એટલે 2 કરોડ ભારતીય રૂપિયા થાય. આ રેકેટમાં છોકરીનું શોષણ થાય છે કારણ કે દલાલો કરોડો રૂપિયા કમાય છે પણ છોકરીઓને ખાલી રહેવા અને જમવાની જ સુવિધા મળે છે. આ સિવાય તેમને કોઈ વ્યવસ્થા કે આર્થિક બાબતો નથી મળતી. 

છોકરીઓને બનાવાઈ દેવાય છે બંધક!

એકવાર છોકરી આ રેકેટમાં જોડાય જાય છે પછી તે બહાર નથી નિકળી શકતી કારણ કે દલાલો ખૂબ શક્તિશાળી હોય છે. તે યુવતીના પરિવારની પણ માહિતી મેળવી લે છે અને છોકરીને ધમકાવવાનું પણ શરૂ કરી દે છે. આબરુ જવાના ડરથી છોકરીઓ સેક્સ રેકેટમાંથી બહાર નથી નીકળી શકતી. મજબૂરીમાં સેક્સ વર્કર બન્યા બાદ દલાલો આ યુવતીઓને બંધક પણ બનાવી દે છે. ક્યારેક તો છોકરીઓ હોસ્પિટલ પણ આવે છે કારણ કે તેમને ગર્ભ રહી ગયો હોય છે. દર મહિને લગભગ 10-12 વિદ્યાર્થિનીઓ ગર્ભપાત કરાવે છે. આ બધુ છોકરીઓ એટલા માટે કરે છે કારણ કે તેમનો જીવન ખર્ચ નીકળી શકે. હાલ ભારતીય છોકરીઓ આ ધંધામાં વધારે આવી રહી છે. 

દીકરીઓ સહેલાઈથી આવી જાય છે સેક્સ રેકેટમાં! 

આ બહુ ગંભીર ઘટના છે દેશની દીકરીઓ આવા કાદવમાં ખેંચાઈ રહી છે. કેનેડાની સંસ્કૃતિની ખબર ન હોવાના કારણે તે સહેલાયથી દલાલોથી આકર્ષિત થઈ જઈ રહી છે. પણ જ્યારે કામ છોડવાનો વારો આવે છે ત્યારે તે વેશ્યાવૃત્તિ છોડી નથી શકતી. ઘણા ખરા એનજીઓ આવી છોકરીઓની મદદ કરે છે અને છોકરીઓને નોકરી પણ અપાવે છે. જો તમારા પણ છોકરા બહાર અભ્યાસ કરી રહ્યા છે તો તેમને સાવચેત કરજો.