કોંગ્રેસના નવા અધ્યક્ષ મલ્લિકાર્જુન ખડગેએ કાર્યભાર સંભાળતાની સાથે જ એક્શન મોડમાં આવી ગયા છે. તેમણે પાર્ટીની સંચાલન સમિતિની (steering committee) જાહેરાત કરી છે. તેમાં અનેક મોટા નામ સામેલ છે. આ સમિતિમાં પૂર્વ કોંગ્રેસ અધ્યક્ષ સોનિયા ગાંધી, રાહુલ ગાંધી અને પૂર્વ વડાપ્રધાન ડૉ.મનમોહન સિંહને સ્થાન આપવામાં આવ્યું છે. જો કે તેમાં શશી થરૂરનો સમાવેશ કરવામાં આવ્યો નથી. હવે પાર્ટીમાં જ્યા સુધી નવી કોંગ્રેસ વર્કિંગ કમિટીની રચના નહીં થાય ત્યાં સુધી પાર્ટીની પ્રવૃતીઓનું સંચાલન સમિતિ દ્વારા કરવામાં આવશેના માધ્યમથી ચાલશે.

અત્રે ઉલ્લેખનિય છે કે CWC કોંગ્રેસની સૌથી મોટી નિર્ણય લેનારી સંસ્થા છે, પરંતુ જ્યાં સુધી તેની રચના નહીં થાય ત્યાં સુધી તમામ નિર્ણયો સંચાલન સમિતિ  (steering committee) દ્વારા લેવામાં આવશે. CWCની જાહેરાત પાર્ટીના પૂર્ણ સત્રમાં કરવામાં આવશે. પાર્ટીના બંધારણ મુજબ 11 સભ્યો નોમિનેટ થાય છે અને 12 ચૂંટાય છે. બુધવારે, CWCના તમામ સભ્યોએ રાજીનામું આપી દીધું હતું જેથી નવી સમિતિની રચના સરળતાથી થઈ શકે.

કોંગ્રેસની સંચાલન સમિતિમાં કોનો સમાવેશ કરાયો

કોંગ્રેસની  સંચાલન સમિતિમાં કુલ 47 નેતાઓનો સમાવેશ કરવામાં આવ્યો છે. જેમાં રાહુલ ગાંધી ઉપરાંત સોનિયા ગાંધી, ડૉ.મનમોહન સિંહ, એકે એન્ટની, અભિષેક મનુ સિંઘવી, અજય માકન, અંબિકા સોની, આનંદ શર્મા, અવિનાશ પાંડે. ગાયખાંગમ, હરીશ રાવત, જયરામ રમેશ, જિતેન્દ્ર સિંહ, કુમારી સેલજા, કેસી વેણુગોપાલ, મુકુલ વાસનિક, ઓમેન ચાંડી, પ્રિયંકા ગાંધી, પી ચિદમ્બરમ, રણદીપ સિંહ સુરજેવાલા, રઘુબીર મીના, તારિક અનવર, એ ચેલ્લા કુમાર, અધીર રંજન ચૌધરી, ભક્ત ચરણ દાસ, દેવેન્દ્ર યાદવ, દિગ્વિજય સિંહ, દિનેશ ગુંડુ રાવ, હરીશ ચૌધરી, એચ.કે. પાટીલ, જય પ્રકાશ અગ્રવાલ, કેએચ મુનિયપ્પા, બી મણિકમ ટાગોર, મનીષ ચતરથ, મીરા કુમાર, પીએલ પુનિયા, પવન કુમાર બંસલ, પ્રમોદ તિવારી, રંજની પાટિલ, રઘુ શર્મા, સંજીવ શુક્લા, સલમાન ખુર્શીદ, શક્તિસિંહ ગોહિલ, ટી સુબ્બીરામી રેડ્ડી, તારિક હમીદ સામેલ છે.

શશી થરૂર સહિત જી-23ના આ નેતાઓને પણ ન મળ્યું સ્થાન

કોંગ્રેસની સંચાલન સમિતીમાં આનંદ શર્મા, મુકુલ વાસનિક સહિતના અગ્રણી નેતાઓને પણ સ્થાન મળ્યું નથી. આ નેતાઓ જી-23 ના સભ્યો છે જેમણે કોંગ્રેસમાં નેતૃત્વ પરિવર્તન માટે સોનિયા ગાંધીને પત્ર લખ્યો હતો. આ ઉપરાંત મનીષ તિવારી, પીજે કુરિયન, પૃથ્વીરાજ ચવ્હાણ, ભૂપેન્દ્ર હુડ્ડાને પણ આ સંચાલન સમિતિમાં સ્થાન મળ્યું નથી.