24 વર્ષ સુધી ટેનિસ કૉર્ટમાં પોતાના પરફોર્મન્સથી લોકોને અચંબો પમાડતા 41 વર્ષીય રોજર ફેડરરે, 20 મોટા ટાઈટલ અને 1500થી વધુથી વધુ ટેનિસ રમ્યા બાદ આજે સન્યાસની જાહેરાત કરી છે. 

ઈન્સ્ટાગ્રામ પર સન્યાસની જાહેરાત કરી

ઈન્સ્ટાગ્રામ પર પોસ્ટ મૂકીને રોજર ફેડરરે તેમના ફેન્સને સન્યાસ મામલે જાહેરાત કરી હતી. તેમણે જણાવ્યું હતું કે, "હું 41 વર્ષનો છું, મેં 24 વર્ષ અંદર 1,500થી વધુ મેચ રમી છે. ટેનિસના કારણે જ્યાં હું પહોંચ્યો છું તે જગ્યા પર હોવાનો મને હજુ વિશ્વાસ નથી આવતો. હવે મારી કારકિર્દી પૂર્ણ કરવાનો સમય આવી ગયો છે."  

રોજર ફેડરર, રાફેલ નડાલ અને નોવાક જોકોવિકની ત્રીપુટી વિશ્વના સૌથી મોટા ટેનિસ પ્લેયર્સ તરીકે ઓળખવામાં આવે છે. રોજર ફેડરર સ્વિટ્ઝરલેન્ડ દેશના ટેનિસ ખેલાડી છે. દાયકાઓથી ફેડરરને વિશ્વના સૌથી મહાન ખેલાડીના સ્થાને પોતાનું નામ બનાવી રાખ્યું છે.