નાનપણમાં આપણે જ્યારે ક્રિકેટ રમતા હતા ત્યારે અનેક વખત રમતા રમતા પડી જતા હતા. બોલ પર શોટ મારવાનો વિચાર કર્યો હોય અને અચાનક આપણે દોડતા દોડતા પડી જઈએ તો? આ વાત એટલા માટે કહેવી છે કારણ કે થોડા દિવસોથી સોશિયલ મીડિયા પર એક વીડિયો વાયરલ થઈ રહ્યો છે જેમાં ઓડિશાના ધારાસભ્ય ક્રિકેટ રમતા રમતા પડી જાય છે. સોશિયલ મીડિયા પર આ વીડિયો લોકોને ખૂબ પસંદ આવી રહ્યો છે.  

ઉંધા માથે ધારાસભ્ય પડ્યા    

આ વીડિયો સોશિયલ મીડિયા પર વાઈરલ થઈ રહ્યો છે. ઘણા લોકો આ વીડિયો જોઈને હસી રહ્યા છે તો ઘણા લોકો એ નેતા પર ટિપ્પણી કરી રહ્યા છે. વીડિયો જોયા બાદ તમે પણ કહ્યું હશે કે જો ક્રિકેટ રમતા નથી આવડતું તો રમો શું કામ? કોઈ કહેશે કે ધારાસભ્ય ઉંધા માથે પડ્યા વગેરે વગેરે... પણ જે ધારાસભ્ય સાથે આ ઘટના બની તેમના વિશે થોડું જાણીએ... 

નેતાજીને પડેલા જોઈ કોઈ હસવા લાગ્યું તો કોઈક...

આ MLA બીજું કોઈ નથી પણ BJDના વરિષ્ઠ ધારાસભ્ય ભૂપિન્દર સિંહ છે. ભુપીન્દર સિંહ એક સ્થાનિક ટુર્નામેન્ટ મેચના ઉદ્ઘાટન માટે આવ્યા હતા. આ સમય દરમિયાન, તેમણે બેટિંગમાં હાથ અજમાવવાનું નક્કી કર્યું. બોલરે બોલ ફેંકતાની સાથે જ નેતાજીએ પોતાનું બેટ ફેરવ્યું અને આંખના પલકારામાં એ ઢબ થઈને પડી ગયા. નજીકમાં ઉભેલા લોકો અંદરોઅંદર હસવા લાગ્યા અને કેટલાક દોડીને તેમને ઉઠાવવા પહોંચ્યા.   

ખેલાડીઓને પ્રોત્સાહન આપવા પહોંચ્યા હતા MLA  

આ ઘટના ઓરિસ્સાના કાલાહાંડી જિલ્લાના બેલખંડીમાં એક સ્પોર્ટ્સ ઈવેન્ટની છે. કાલાહાંડી જિલ્લાના નરલા મતવિસ્તારનું પ્રતિનિધિત્વ કરતા સિંહ ત્રણ દિવસ પહેલા મુખ્ય અતિથિ તરીકે ક્રિકેટ ટુર્નામેન્ટનું ઉદ્ઘાટન કરવા ગયા હતા. આ સમય દરમિયાન, તે ખેલાડીઓને પ્રોત્સાહિત કરવા માટે પોતે પિચ પર ઉતાર્યા અને પછી જોવા જેવી થઈ ગઈ