પઠાણ ફિલ્મે ધૂમ કમાણી કરી. શાહરૂખ ખાનની ફિલ્મે બોક્સ ઓફિસમાં તહેલકો મચાવી દીધો હતો. ઘણા સમય સુધી ફિલ્મની કમાણીને લઈ, ફિલ્મને લઈ ચર્ચા કરવામાં આવી. ત્યારે પઠાણ ફિલ્મના ડાયરેક્ટરની બીજી ફિલ્મ આવી રહી છે જેમાં ઋતિક રોશન છે, દીપિકા પાદુકેણ છે, અનિલ કપૂર છે. એ ફિલ્મનું નામ છે ફાઈટર. આ ફિલ્મનું ટીઝર રિલીઝ થઈ ગયું છે. સિદ્ધાર્થ આનંદની ફિલ્મ ગણતંત્ર દિવસ પર રિલીઝ થવાની છે. આ ફિલ્મનું ટીઝર રિલીઝ થઈ ગયું છે અને આ ફિલ્મમાં પણ પાકિસ્તાનને દુશ્મન તરીકે દર્શાવવામાં આવ્યો છે! એક મિનીટ 13 સેકેન્ડના વીડિયોમાં તમામ કોશિશ કરવામાં આવી રહી છે કે લોકો આ ફિલ્મથી આકર્ષાય. 

આ ફિલ્મને હિટ કરવા માટે અલગ અલગ ફોર્મ્યુલાનો કરાયો છે ઉપયોગ

ગણતંત્ર દિવસ પર સિદ્ધાર્થ આનંદની ફિલ્મ ફાઈટર આવી રહી છે. આ ફિલ્મમાં અમુક ફાઈટર પ્લેનના પાઈલટની કહાણી બતાવવામાં આવી છે. આ ફિલ્મમાં ઋતિક રોશન, દીપિકા પાદુકોણ, અનિલ કપૂર છે. આ ફિલ્મને હિટ બનાવવા માટે અનેક ફોર્મુલાનો ઉપયોગ કરવામાં આવ્યો છે. ઋતિક રોશનનો ડાન્સ છે, દેશભક્તિ છે. દીપિકા અને ઋતિક રોશનનો ઈન્ટિમેટ સીન પણ છે. આ ફિલ્મમાં પણ પાકિસ્તાનને દુશ્મન તરીકે દર્શાવવામાં આવ્યો છે. ખુલ્લીને ભલે પાકિસ્તાન અંગે વાત નથી કરવામાં આવી પરંતુ ટીઝરમાં એક એવો સિન છે જેમાં આવું દર્શાવવામાં આવ્યું છે. 

25 જાન્યુઆરીના રોજ ફિલ્મ થવાની છે રિલીઝ 

સિનેમાં ઘરોમાં આ ફિલ્મ 25 જાન્યુઆરી 2024ના રોજ આવવાની છે. રજા હોવાને કારણે દર્શકો ફિલ્મ જોવાનું પસંદ કરતા હોય છે જેની સીધી અસર ફિલ્મની કમાણી પર પડે છે. પઠાણ ફિલ્મ પણ રજાઓના દિવસે રિલીઝ થઈ હતી. ફાઈટર ફિલ્મ જ્યારે રિલીઝ થવાની છે ત્યારે પણ લોન્ગ વિકએન્ડ છે. અનેક દિવસોની રજા છે જેને કારણે ફિલ્મની કમાણી સારી થશે તેવી આશા સાથે સિદ્ધાર્થ આનંદ માને છે. ત્યારે આ ફિલ્મ બોક્સઓફિસ પર ધૂમ મચાવે છે તે જાન્યુઆરી મહિનામાં ખબર પડશે.