સુરેન્દ્રનગરમાં પાટડી ખાતે LCBના દરોડામાં ખુબ મોટાપાયે વિદેશી દારૂનો ઝડપી પાડવામાં આવ્યો છે. પાટડીના જરવલા ગામની સીમમાં આ ગેરકયદેસર વિદેશી દારૂનો જથ્થો ટ્રેકટરની ટ્રોલીમાંથી ઝડપી પાડવામાં આવ્યો છે. જેના લીધે, સુરેન્દ્રનગરના બુટલેગરોમાં ભારે ફફડાટનો માહોલ છે. આ માટે લોકલ ક્રાઇમ બ્રાન્ચ દ્વારા SP પ્રેમસુખ ડેલુંની સૂચના મુજબ અલગ અલગ ટિમો બનાવીને કામગીરી હાથ ધરવામાં આવી હતી. દરોડાની આ કામગીરીમાં હવે સ્થળ પર હાજર આરોપીને પણ ઝડપી પાડવામાં આવ્યો છે. 

સુરેન્દ્રનગરના SP પ્રેમસુખ ડેલુંએ જિલ્લામાં પ્રોહિબિશનની કામગીરી પર અંકુશ મેળવવા માટે થોડાક સમય અગાઉ , લોકલ ક્રાઇમ બ્રાન્ચને , જિલ્લામાંથી પસાર થતા અલગ અલગ નેશનલ હાઇવે રોડ તથા સિમ વિસ્તારમાંથી ખાસ પેટ્રોલિંગ હાથ ધરીને વિદેશી દારૂનો જથ્થો પકડી પાડવા માટે સૂચના આપવામાં આવી હતી. SP પ્રેમસુખ ડેલુંની સૂચના પછી , LCBના PI જે વાય પઠાણ તથા પેરોલ સ્ક્વોડના ઇન્ચાર્જ PSI એન એ રાયમાં દ્વારા અલગ અલગ ટિમો બનાવવામાં આવી હતી. ત્યારબાદ LCBના આ પોલીસ કર્મીઓના નેતૃત્વમાં , પાટડીના જરવલા ગામની સીમમાં લોબાસર તલાવડી જવાના રસ્તે એક પડતર જગ્યામાં જયારે પેટ્રોલિંગ હાથ ધરાયુ ત્યારે તેમને ટ્રેકટરની ટ્રોલીમાંથી ગેરકાયદેસર વિદેશી દારૂનો ખુબ મોટો જથ્થો મળી આવ્યો હતો. જેમાં ૧૬૧૬ નંગ દારૂની બોટલો જેમની કિંમત રૂપિયા ૩,૧૩,૬૩૬ , બિયર ટીનના ૪૫૨ નંગ જેની કિંમત થાય છે ૯૯,૪૪૦ રુપિયા એમ કુલ ૪,૧૩,૦૭૬ રૂપિયાનો દારૂ અને ટ્રેકટર ટ્રોલી સહીત ૫,૦૦,૦૦૦ કુલ ૯,૧૩,૦૭૬ રૂપિયાનો મુદ્દામાલ જપ્ત કરવામાં આવ્યો છે. 

દરોડામાં ઝડપી પાડેલ ૧ આરોપી જેમનું નામ છે , હર્ષદ ઠાકોર અને અજાણ્યા ટ્રેકટર ચાલકની સામે પાટડી પોલીસ સ્ટેશનમાં ગુનો નોંધીને આગળની કાર્યવાહી હાથ ધરવામાં આવી છે. LCBની આ કામગીરીથી સ્થાનિક બુટલેગરોમાં ફફડાટ વ્યાપી ગયો છે.