યુનિયન પબ્લિક સર્વિસ કમિશન (UPSC) એ સિવિલ સર્વિસ પરીક્ષા 2022નું અંતિમ પરિણામ જાહેર કર્યું છે. ઈશિતા કિશોર, દ્વિતીય નંબર ગરિમા લોહિયા, તૃતીય ક્રમે ઉમા હરતિ એન અને ચોથું સ્થાન સ્મૃતિ મિશ્રાએ પ્રાપ્ત કર્યું છે. પરિણામના લગભગ 15 દિવસ પછી તેમના માર્ક્સ જાહેર કરવામાં આવશે. UPSCના ઇન્ટરવ્યુ રાઉન્ડમાં ભાગ લેનાર ઉમેદવારો કમિશનની સત્તાવાર વેબસાઇટ upsc.gov.in પર UPSC પરિણામ 2022 જોઈ શકે છે. UPSC એ 24 એપ્રિલથી 18 મે, 2023 સુધી ત્રીજા તબક્કાના વ્યક્તિગત ઇન્ટરવ્યુ લીધા હતા, હવે પરિણામ પણ જાહેર કરવામાં આવ્યું છે.

यूपीएससी ने 2022 सिविल सेवा परीक्षा के नतीजे घोषित किए।

इशिता किशोर, गरिमा लोहिया और उमा हरथी एन क्रमशः टॉप तीन रैंक हासिल की। pic.twitter.com/UoyyzHanfh

— ANI_HindiNews (@AHindinews) May 23, 2023

933 ઉમેદવારોની પસંદગી

UPSC સિવિલ સર્વિસ પરીક્ષાના અંતિમ પરિણામમાં કુલ 933 ઉમેદવારોની પસંદગી કરવામાં આવી છે. તેમાંથી 345 ઉમેદવારો જનરલ, 99 EWS, 263 OBC, 154 SC અને 72 ST કેટેગરીના છે. 178 ઉમેદવારોની અનામત યાદી પણ તૈયાર કરવામાં આવી છે. IAS પદો પર પસંદગી માટે 180 ઉમેદવારોને શોર્ટલિસ્ટ કરવામાં આવ્યા છે.

પસંદ કરેલ ટોચના 10 ઉમેદવારોની યાદી

1. ઈશિતા કિશોર 2. ગરિમા લોહિયા 3. ઉમા હરતિ એન 4. સ્મૃતિ મિશ્રા5. મયુર હજારિકા 6. ગેહાના નવ્યા જેમ્સ 7. વસીમ અહેમદ 8. અનિરુદ્ધ યાદવ 9. કનિકા ગોયલ 10. રાહુલ શ્રીવાસ્તવ

1011 પદો માટે ભરતી નિકળી હતી

UPSCએ 03 તબકકામાં સિવિલ સર્વિસ 2022ના ઉમેદવારોના પર્સનલ ઈન્ટરવ્યૂ લીધા હતા. જેમાં ત્રીજો અને ફાઈનલ ફેઝ 18 મે 2023એ સમાપ્ત થયો હતો. UPSC દ્વારા જાહેર સિવિલ સર્વિસ મેઈન 2022ના પરિણાણ પ્રમાણે, સિવિલ સર્વિસ પ્રિલિમ અને મેઈન પરીક્ષામાં સફળ થયેલા લગભગ 2,529 ઉમેદવારોને ઈન્ટર્વ્યું માટે બોલાવવામાં આવ્યા હતા. UPSCએ સિવિલ સર્વિસ પરીક્ષા 2022 હેઠળ  IAS, IPS સહિત 1011 પદો માટે ભરતી નિકાળી હતી.