અકસ્માતોની સંખ્યામાં વધારો થઈ રહ્યો છે. પ્રતિદિન અકસ્માતમાં અનેક લોકોના મોત થઈ રહ્યા છે તેવા સમાચારો સામે આવતા હોય છે. ત્યારે વધુ એક અકસ્માત રાજકોટમાં બન્યો છે. મળતી માહિતી અનુસાર આ અકસ્માત ધોરાજી - ઉપલેટા હાઈવે પર ITI પાસે સર્જાયો છે. કારની અડફેટે આવતા 42 વર્ષીય સોનલબેન ગંગાજાળીયાનું મોત નીપજ્યું છે. નેશનલ હાઈવે પર ઈકો કારની અડફેટે આવતા 42 વર્ષની મહિલાનું મોત નીપજ્યું છે. ઘટનાની જાણ થતાં ધોરાજી પોલીસે વધુ તપાસ હાથ ધરી છે.  

ગાડીની અડફેટે આવતા 42 વર્ષીય મહિલાનું નિપજ્યું મોત!   

હિટ એન્ડ રનની ઘટના પ્રતિદિન બની રહી છે. વાહનની અડફેટે આવતા લોકોના  મોત થઈ ગયા છે જ્યારે અનેક લોકો ગંભીર રીતે ઘાયલ થઈ પથારીવશ પણ થયા છે. અનેક ઘટનાઓ એવી હોય છે જેમાં અકસ્માત એટલો ભયંકર સર્જાય છે કે તેના દ્રશ્યો જોઈ મન વિચલિત થઈ જતું હોય છે. અનેક પરિવારનો માળો અકસ્માતને કારણે વિખેરાયો છે ત્યારે વધુ એક અકસ્માત રાજકોટના ધોરાજીમાં સર્જાયો છે. ગાડીની અડફેટે આવતા 42 વર્ષીય મહિલાનું મોત નિપજ્યું છે. જે મહિલાનું મોત થયું છે તેનું નામ સોનલબેન છે. સારવાર અર્થે તેમને નજીકની હોસ્પિટલ ખસેડવામાં આવ્યા પરંતુ તેમનું મોત થઈ ગયું હતું. પોલીસે ગુન્હો નોંધીને આગળની તપાસ હાથ ધરી છે. 

અનેક પરિવારોએ અકસ્માતમાં ગુમાવ્યા છે પોતાના સ્વજન 

મહત્વનું છે કે અનેક આવી ઘટનાઓમાં જોવા મળતું હોય છે કે ઓવર સ્પીડને કારણે અકસ્માત સર્જાય છે. અનેક કિસ્સાઓમાં એવું પણ બને છે કે સ્ટેયરિંગ પરથી કાબુ ગુમાવવાને કારણે આવા અકસ્માત બને છે જેમાં કોઈનો જીવ જતો રહે છે. અનેક અકસ્માતો એવા હોય છે જેમાં એક નહીં પરંતુ અનેક લોકોના મોત થતા હોય છે. બે વાહનો વચ્ચે ટક્કર એટલી ભયંકર હોય છે કે વાહનમાંથી મૃતદેહ કાઢવો કઠિન બની જાય છે. ત્યારે આવા અકસ્માતો ઓછા બને તેવી આશા...