થોડા સમય પહેલા ભરૂચથી સમાચાર સામે આવ્યા હતા જેમાં  ભારતીય જનતા પાર્ટીની મહિલા નેતાએ જબરદસ્તી કરી પાર્ટીના કાર્યકર સાથે શારીરિક સંબેધો બાંધ્યા હતા. આ સમાચારને હજી થોડો સમય પણ નથી વિત્યો ત્યારે આવો કિસ્સો ફરી એક વખત સામે આવ્યો છે. આ વખતે કોઈ સ્થાનિક નેતા નહીં પરંતુ ધારાસભ્ય આ વાતને લઈ ચર્ચામાં આવ્યા છે. સોશિયલ મીડિયા પર વીડિયો વાયરલ થઈ રહ્યો છે જેમાં આમ આદમી પાર્ટીના ધારાસભ્ય ભૂપત ભાયાણી યુવતી સાથે સંબંધ હોવાને કારણે હોટલની રૂમમાં સમય પસાર કરી રહ્યા છે. આ વાતની જાણ જ્યારે મહિલાના પતિને થઈ ત્યારે તે હોટલ પહોંચી ગયો અને તેને જોઈ ધારાસભ્ય મોઢા પર રૂમાલ બાંધી ત્યાંથી નીકળી ગયા.

ભૂપત ભાયાણીનો વીડિયો થયો વાયરલ!          

આમ આદમી પાર્ટીના ધારાસભ્ય ભૂપત ભાયાણીનો એક વીડિયો વાયરલ થઈ રહ્યો છે જેને કારણે રાજકારણ ગરમાઈ રહ્યું છે. વાયરલ વીડિયોમાં ધારાસભ્ય એક મહિલા સાથે હોટલમાં દેખાય છે. મહિલા સાથે નજીકનો સંબંધ હોવાને કારણે હોટલની રૂમમાં સમય પસાર કરી રહ્યા છે. એક્સ્ટ્રા મેરેટિયલ અફેર જાણે આજકાલ સામાન્ય બની ગયું હોત તેવું લાગે છે. રોજે આવા અનેક કિસ્સાઓ સામે આવી રહ્યા છે જેમાં આવી બાબતો હોય છે. મહિલાએ પોતાના મોઢા પર દુપટ્ટો બાંધીને રાખ્યો છે. જે ફોટો સામે આવ્યા છે તેમાં ધારાસભ્ય હોટલના રજીસ્ટરમાં એન્ટ્રી કરતા દેખાઈ રહ્યા છે.   

મોઢા પર રૂમાલ બાંધી ધારાસભ્ય ભાગ્યા! 

જે મહિલા સાથેનો વીડિયો વાયરલ થઈ રહ્યો છે તે પરણીત છે. આ વાતની જાણ જ્યારે મહિલાના પતિને થઈ ત્યારે તે હોટલમાં આવી પહોંચ્યા અને સમગ્ર વાતનો ઘટસ્ટોફ તેમની સામે થયો. પતિના આવતાની સાથે જ ધારાસભ્ય મોઢા પર રૂમાલ બાંધી ત્યાંથી જતા રહ્યા . ધારાસભ્ય તો જતાં પરંતુ આ ઘટનાની વાત લોકોમાં ઉઠી છે. કોઈ સામાન્ય માણસ નથી તે ધારાસભ્ય છે. અનેક લોકોના આદર્શો નેતા હોય છે. ત્યારે ધારાસભ્યનો આ પ્રકારનો વીડિયો સામે આવતા રાજકારણ ગરમાઈ રહ્યું છે. મહત્વનું છે કે આ વીડિયો બાદ ભૂપત ભાયાણીની કોઈ પણ પ્રતિક્રિયા સામે આવી નથી.