Accent Microcell Limited SMEનો  IPO પબ્લિક સબ્સ્ક્રિપ્શન માટે ખુલી ગયો છે. બિડિંગ માટે ઓપનિંગ સાથે, ગ્રે માર્કેટમાં કંપનીનું પ્રીમિયમ આકાશને આંબી ગયું છે અને પ્રીમિયમ કેપ પ્રાઇસથી પણ ઉપર પહોંચી ગયું છે. ઉલ્લેખનિય છે કે Accent Microcell Limited વૈશ્વિક સ્તરે માઇક્રોક્રિસ્ટલાઇન સેલ્યુલોઝ (MCC)ના અગ્રણી ઉત્પાદકોમાંની એક છે. IPO માટે બિડિંગની છેલ્લી તારીખ 12 ડિસેમ્બર છે.

IPO પ્રાઇસ બેન્ડ 133 થી 140  

Accent Microcell Limited SME IPOની પ્રાઇસ બેન્ડ રૂ. 133 થી રૂ. 140 વચ્ચે નક્કી કરવામાં આવી છે. કંપનીએ બજારમાંથી રૂ. 78.40 કરોડ એકત્ર કરવાનો લક્ષ્યાંક રાખ્યો છે. કંપની દ્વારા આપવામાં આવેલા દસ્તાવેજ અનુસાર, આ બુક-બિલ્ડ IPO છે, જેમાં સામેલ શેરની ફેસ વેલ્યુ 10 રૂપિયા પ્રતિ શેર છે. IPO હેઠળ એક લોટમાં 1000 શેર સામેલ કરવામાં આવ્યા છે. એક લોટ માટે રોકાણની રકમ રૂ. 140,000 છે.

કેપ કિંમતથી ઉપર પહોંચી GMP 

Accent Microcell SMEનો IPO જાહેર જનતા માટે ખુલતાની સાથે જ ગ્રે માર્કેટમાં તેના ભાવમાં જોરદાર ઉછાળો જોવા મળ્યો છે. શેરનું લેટેસ્ટ પ્રીમિયમ 160ની સપાટીએ પહોંચી ગયું છે. ગયા શુક્રવારે જ્યારે બિડિંગ ખોલવાની તારીખ નક્કી કરવામાં આવી ત્યારે તે +100 હતી. શરૂઆતના બે દિવસ પહેલા, પ્રીમિયમ +140ના સ્તરને સ્પર્શી ગયું હતું. ગુરુવાર સાંજ સુધીમાં, ગ્રે માર્કેટમાં શેરનું પ્રીમિયમ ઝડપી ગતિએ વધ્યું અને તે +160ના સ્તરે પહોંચી ગયું. તે શુક્રવારના રોજ ઓપનિંગ સાથે પણ +160 ના સ્તર પર યથાવત રહ્યું છે. IPOની પ્રાઇસ બેન્ડની અપર લિમિટ 140 રૂપિયા છે. અપર લિમિટ અને લેટેસ્ટ પ્રીમિયમના સરવાળા પ્રમાણે શેરનું સંભવિત લિસ્ટિંગ રૂ. 300 હોઈ શકે છે, એટલે કે રોકાણકારોને 114.29 ટકા નફો મળી શકે છે.

15મી ડિસેમ્બરે માર્કેટમાં લિસ્ટિંગ થશે

Accent Microcell Limitied SME IPOના શેરની ફાળવણી 13 ડિસેમ્બરના રોજ ફાઈનલ થવાની શક્યતા છે. જેમને શેર ફાળવવામાં આવશે નહીં તેઓને બીજા દિવસે 14મી ડિસેમ્બર સુધી રિફંડ આપવામાં આવશે. શેરની ક્રેડિટ પણ તે જ દિવસે કરવામાં આવશે. સંભવિત લિસ્ટિંગ તારીખ 15મી ડિસેમ્બર. શેર NSE SME પ્લેટફોર્મ પર લિસ્ટ થશે. 1 ડિસેમ્બરથી, સેબીએ શેરના લિસ્ટિંગ માટે T+3 સમયરેખા ફરજિયાત બનાવી છે, તેથી કંપનીના શેરના લિસ્ટિંગમાં આ સમયરેખાને અનુસરી શકાય છે. T+3 સમયરેખા હેઠળ, બિડિંગ બંધ થયાના ત્રણ દિવસની અંદર લિસ્ટિંગ કરવામાં આવે છે.

કંપની શેનું ઉત્પાદન કરે છે?

Accent Microcell Limitied સેલ્યુલોઝ-આધારિત ઉચ્ચ ગુણવત્તાની એક્સીપિયંટ્સનું ઉત્પાદન કરે છે. સેલ્યુલોઝ આધારિત એક્સિપિયન્ટ્સનો ઉપયોગ ફાર્માસ્યુટિકલ અને ન્યુટ્રાસ્યુટિકલ ઉદ્યોગોમાં થાય છે. તેનો ઉપયોગ જેલિંગ એજન્ટ્સ, સ્ટેબિલાઈઝિંગ એજન્ટ્સ, બાઈન્ડર, બાયો-એડહેસિવ્સ અને ડ્રગ-ડિલિવરી સિસ્ટમ્સ તરીકે થાય છે. માઇક્રોક્રિસ્ટલાઇન સેલ્યુલોઝ (MCC) નો ઉપયોગ સામાન્ય રીતે ફાર્માસ્યુટિકલ ઉદ્યોગમાં સેલ્યુલોઝ-આધારિત એક્સીપિયંટ્સ તરીકે થાય છે.