સોશ્યિલ મીડિયા ઇન્ફુએન્સર કીર્તિ પટેલ પર આજે બીજી ફરિયાદ દાખલ કરવામાં આવી છે. જૂનાગઢના મહાશિવરાત્રીના મેળામાં મૃગુ કુંડમાં ડૂબકી લગાવવા પર કીર્તિ પટેલ વિવાદોમાં આવ્યા હતા. આ બાબતે સાધુ સંતોમાં ભારે નારાજગી જોવા મળી હતી. ત્યારે હવે કીર્તિ પટેલ વિરૂદ્ધ ભવનાથ પોલીસ સ્ટેશનમાં વધુ એક ફરિયાદ નોંધાઈ છે. આ ફરિયાદ મહંત બજરંગદાસ બાપુ દ્વારા નોંધાવવામાં આવી છે. જૂનાગઢના ભવનાથ ખાતે દર વર્ષે , મહાશિવરાત્રીના પર્વ નિમિતે, લાખો શ્રદ્ધાળુઓ ઉમટી પડે છે. આ વર્ષે , ભવનાથના મેળામાં સોશ્યિલ મીડિયા ઇન્ફુએન્સર કીર્તિ પટેલને લઇને વિવાદ થયો છે. મૃગી કુંડમાં સ્નાન કરવા બદલ સાધુ સંતોમાં ભારે નારાજગી જોવા મળી છે. તે જ સમયે PI સાથે મૃગીકુંડમાં કીર્તિ પટેલને ઘર્ષણ પણ થયું હતું. આ પછી , ભવનાથ પોલીસ સ્ટેશનમાં મહિલા PI કે જે મોડ દ્વારા કીર્તિ પટેલની વિરુદ્ધમાં ફરિયાદ નોંધાવવામાં આવી છે. પોલીસની કામગીરીમાં અવરોધ ઉભો કરવાનો આરોપ , PIને જાનથી મારી નાખવાની ધમકી , શાંતિ ડહોળવાનો પ્રયાસની કલમ એડ કરવામાં આવી છે.  હવે આજે , બીજી ફરિયાદ સાધુ-સંત દ્વારા કરવામાં આવી છે. આ ફરિયાદ સાધુ સંતોની લાગણી દુભાવવા પર અને તેમને બદનામ કરવા બદલ ભવનાથ પોલીસ સ્ટેશનમાં ફરિયાદ નોંધાવવામાં આવી છે. પ્રભાસ પાટણ નિરાલી ખોડિયાર આશ્રમના મહંત બજરંગદાસ બાપુએ કીર્તિ પટેલન સામે પોલીસ ફરિયાદ નોંધાવી છે. પોલીસ ફરિયાદ નોંધાતા પોલીસે કીર્તિને પકડવા માટે ચક્રો ગતિમાન કર્યા છે. અલગ અલગ ટીમો બનાવીને તપાસ હાથ ધરાઈ છે.

મૃગીકુંડમાં સ્નાન પછી , કીર્તિ પટેલ દ્વારા ગિરનાર મંડળના અધ્યક્ષ મહંત ઇન્દ્રભારતી બાપુ સામે આક્ષેપો કરવામાં આવ્યા છે. જેના કારણે વિવાદ વધારે વકર્યો છે. મૃગીકુંડમાં ડૂબકી બાદ કીર્તિ પટેલે સોશિયલ મીડિયામાં વિવાદાસ્પદ પોસ્ટ કરીને લખ્યું છે કે ઇન્દ્રભારતી બાપુના ઇશારે જ મને કુંડમાંથી બહાર કાઢવામાં આવી હતી. ઇન્દ્રભારતી બાપુની સચાઇ પ્રૂફ સાથે હું કહીશ અને બધી સચ્ચાઈ પુરાવા સાથે જાહેર કરીશ. હું કદાચ શબ્દોથી ખરાબ હોઈશ, પણ એ અન્યાય સહન નહીં કરું. આ અગાઉ , કીર્તિ પટેલ ભવનાથમાં ભરતી આશ્રમ ખાતે આયોજિત ભજનના કાર્યક્રમમાં પૈસા ઉડાડતા જોવા મળ્યા હતા. જેનો વિડીયો પણ સોશ્યિલ મીડિયામાં ખુબ જ વાઇરલ થયો હતો. 

વાત કરીએ કીર્તિ પટેલની તો તેઓ સુરેન્દ્રનગરના વાઘેલા ગામના વતની છે. હાલમાં કીર્તિ પટેલ સુરતના પર્વત પાટિયા વિસ્તારમાં આવેલા કુશલ દર્શન એપાર્ટમેન્ટમાં રહે છે. યુટ્યૂબર કીર્તિ પટેલ મૂળ ફેશન ડિઝાઈનર છે. તેમણે ફેશન ડિઝાઈનરનો કોર્સ કરેલો છે. ત્યારબાદ તેણે કોમેડી વિડિઓ બનાવી યૂટ્યૂબ અને ટિક્ટોકમાં ઝંપલાવ્યું હતું . તેમણે ભૂતકાળમાં નીતિન જાની (ખજૂર ભાઈ) , કાજલ મહેરિયા , દેવાયત ખાવડ , બ્રીજદાન ગઢવી , સાગર પટેલ , ભારતી આશ્રમ , પદ્મિની બા , રાજદીપ સિંહ રીબડા સહિતના ગુજરાતના જાણીતા ચહેરાઓને ટાર્ગેટ બનાવ્યા છે.