દિલ્હીની AI ઈમ્પૅક્ટ સમિટમાં ઉદ્યોગપતિ મુકેશ અંબાણી દ્વારા સંબોધન કરવામાં આવ્યું છે. મુકેશ અંબાણીએ AIના હકારાત્મક ઉપયોગ પર ભાર મુકવામાં આવ્યો છે. તેમણે કહ્યું છે કે , " AI નોકરીઓ નઈ ખાય. એટલુંજ નહિ AI ખુબ મોટાપાયે તક ઉભી કરશે." 

મુકેશ અંબાણીએ AI ઈમ્પૅક્ટ સમિટમાં કહ્યું છે કે , " પ્રિય મહેમાનો અને મારા પ્રિય દેશવાસીઓ, નમસ્તે. આ ગ્લોબલ AI ઈમ્પેક્ટ સમિટ ભારતના ટેકનોલોજી ઈતિહાસમાં એક મહત્વનો પડાવ છે. આજે ભારત સંકલ્પ લીધો છે કે આર્ટિફિશિયલ ઇન્ટેલિજન્સ (AI) દ્વારા 2047 સુધી “વિકસિત ભારત”નું સપનું પૂરું કરવું છે, એટલે કે સ્વતંત્રતાના 100 વર્ષ પૂરાં થાય ત્યારે ભારતને સંપૂર્ણ વિકસિત દેશ બનાવવાનો છે. આ સમિટ માટે આપણા માનનીય પ્રધાનમંત્રી શ્રી નરેન્દ્ર મોદીજીનું માર્ગદર્શન આપણાં માટે ગૌરવની બાબત છે. તેમજ માનનીય મંત્રી શ્રી વૈષ્ણવજી અને તેમની ટીમે આ ભવ્ય આયોજન માટે ખૂબ પ્રશંસા લાયક કામ કર્યું છે. AI માત્ર એક નવી ટેકનોલોજી નથી. આ એવી શક્તિ છે જે મશીનોને વધુ ઝડપથી, સમજદારીથી અને સ્વતંત્ર રીતે કામ કરવાની શક્તિ આપે છે. હું AI ને “અક્ષય પાત્ર” જેવું માનું છું – જે અનંત લાભ આપી શકે. યોગ્ય રીતે ઉપયોગ કરીએ તો AI ગરીબી દૂર કરી શકે અને દરેકને સમૃદ્ધિ તરફ લઈ જઈ શકે. આજે દુનિયા સામે પ્રશ્ન છે – શું AI થોડા લોકો સુધી સીમિત રહેશે કે બધા માટે ઉપલબ્ધ બનશે? ભારત માને છે કે AI સૌ માટે સસ્તું, સરળ અને ઉપયોગી હોવું જોઈએ. ભારત પાસે મોટી યુવા જનસંખ્યા, મજબૂત લોકશાહી, ઝડપી વિકાસ અને મજબૂત ડિજિટલ માળખું છે. 

આજ ભારતમાં:

* લગભગ 100 કરોડ લોકો ઇન્ટરનેટ વાપરે છે.

* આધાર દ્વારા 140 કરોડને ડિજિટલ ઓળખ આપવામાં આવી છે.

* UPI  પર દર મહિને 12 અબજથી વધુ ટ્રાન્ઝેક્શન થાય છે. 

* ભારત વિશ્વના ટોચના સ્ટાર્ટઅપ દેશોમાં છે.

જિયોએ ઇન્ટરનેટ દરેક સુધી પહોંચાડ્યું. હવે જિયો ભારતને “ઇન્ટેલિજન્સ યુગ” સાથે જોડશે. અમે AIને સસ્તું અને સૌ માટે ઉપલબ્ધ બનાવવાનો સંકલ્પ લઈએ છીએ. આ માટે રિલાયન્સ અને જિયો આવતા સાત વર્ષમાં 10 લાખ કરોડ રૂપિયાનું રોકાણ કરશે. AIમાં સૌથી મોટો પડકાર છે – મોંઘું અને મર્યાદિત “કમ્પ્યુટ”. 

તેથી:

* જામનગરમાં મોટા AI ડેટા સેન્ટર બનાવાશે.

* ગ્રીન ઊર્જા (સોલાર પાવર)નો ઉપયોગ થશે.

* દેશભરમાં એજ કમ્પ્યુટ નેટવર્ક બનાવાશે જેથી AI સેવાઓ ઝડપથી અને સસ્તી મળે.

અમારા પાંચ મુખ્ય સિદ્ધાંત છે: 

1. AIનો ઉપયોગ ઉદ્યોગ, ખેતી, નાના વ્યવસાય અને સામાન્ય લોકો માટે.

2. તમામ ભારતીય ભાષામાં AI ઉપલબ્ધ કરાવવું

3. સુરક્ષા અને ડેટાની ગોપનીયતા પર ભાર.

4. AI નવી રોજગારી બનાવશે.

5. મજબૂત ભાગીદારી અને ઇકોસિસ્ટમ બનાવવી.

જિયો શિક્ષા દ્વારા વિદ્યાર્થીઓને AI શિક્ષણ સહાય મળશે.

જિયો આરોગ્ય દ્વારા સ્થાનિક ભાષામાં તબીબી માર્ગદર્શન મળશે.

જિયો કૃષિ દ્વારા ખેડૂતોને સરળ સલાહ મળશે.

ભારત દુનિયાને જોડતો પુલ બની શકે છે – ગ્લોબલ સાઉથ અને ગ્લોબલ નોર્થ વચ્ચે. AI સહકારથી આગળ વધે છે, ટકરાવથી નહીં.

ચાલો, બુદ્ધિ સાથે સંવેદના જોડીએ અને AI દ્વારા સમગ્ર વિશ્વ માટે સારું ભવિષ્ય બનાવીએ.

જય હિંદ. ????????"