તમિલનાડુના રાજકીય માહોલ ગરમાયેલો છે કેમ કે, ૨૩૪ ધારાસભ્યોનું કદ ધરાવતી તમિલનાડુંની વિધાનસભામાં વિજયની પાર્ટી TVK પાસે મેજીક ફિગર નથી. આ ઉપરાંત , જયારે તેમણે ગવર્નર રાજેન્દ્ર આરલેકર સાથે મુલાકાત કરી ત્યારે , વિજય પાસે ૧૧૮નો મેજીક ફિગર નહોતો આ કારણે , ગવર્નર રાજેન્દ્ર આરલેકર દ્વારા ૧૧૮ ધારાસભ્યોના સહી સાથે પ્રસ્તાવ લાવવાની વાત કરવામાં આવી છે. બીજી તરફ , વિજયે પોતાની પાર્ટીના ૧૦૮ ધારાસભ્યોને મામલ્લાપુરમ ખાતે રિસોર્ટમાં મોકલી દીધા છે. તમિલનાડુંમાં રિસોર્ટ પોલિટિક્સ શરૂઆત થઇ ચુકી છે. 

એક તરફ સમગ્ર દેશની નજર તમિલનાડુ પર છે કેમ કે , અભિનેતામાંથી નેતા બનેલા વિજયે ખુબ ટૂંકા સમયમાં રાજકીય સફળતા હાંસિલ કરી લીધી છે. વિજયની પાર્ટી TVKને ૧૦૮ બેઠકો પર જનાદેશ મળ્યો છે. આ પછી તેમને કોંગ્રેસના ૫ ધારાસભ્યોનો પણ ટેકો મળ્યો છે. ત્યારબાદ વિજયે ગવર્નર રાજેન્દ્ર આરલેકર સાથે મુલાકાત કરી હતી. પરંતુ , વિજય પાસે પૂરતો બહુમત ન હતો , આ કારણે , રાજ્યપાલ રાજેન્દ્ર આરલેકરએ તેમને ૧૧૮ જેટલા મેજીક ફિગરના ધારાસભ્યોના હસ્તાક્ષર લાવવાનું કહ્યું છે. હવે , રાજ્યમાં ત્રીજા નંબરે આવેલી પાર્ટી AIADMK ને 47 બેઠકો પ્રાપ્ત થઇ હતી. AIADMKના ડેપ્યુટી ડિરેક્ટર કે પી મૂનુસામી દ્વારા જાહેરાત કરવામાં આવી છે કે , તેઓ વિજયને સમર્થન નઈ આપે. 

આ કારણે હવે પેચ ફસાયેલો છે. કોંગ્રેસ દ્વારા વિજયની પાર્ટી TVKને સમર્થન આપવાની જાહેરાત કરવામાં આવી હતી . પરંતુ કોંગ્રેસ પાસે માત્ર ૫ જ ધારાસભ્યો છે.  હવે , વિજય દ્વારા સાવચેતીના ભાગરૂપે , પોતાની પાર્ટીના ૧૦૮ MLAને તમિલનાડુના મામલ્લાપુરમના પ્રાઇવેટ લક્ઝુરિયસ રિસોર્ટમાં મોકલવાનો નિર્ણય લીધો છે. આ માટે , ૫૦ જેટલા ૪ સ્ટાર હોટલ પુન્જેરી ખાતે પહોંચી ગયા છે. બાકીના ધીરે ધીરે પહોંચી રહ્યા છે. આમ વિજયને ડર છે કોઈપણ પ્રકારના હોર્સ ટ્રેડિંગના કારણે તેમને નુકશાન થઇ શકે છે.