મોરબીમાં બનેલી દુર્ઘટનામાં અંદાજીત 400થી વધુ લોકો નદીમાં ડૂબી ગયાના પ્રાથમિક સમાચાર હતા. આ ઘટનાની જાણ થતા રેસ્કયુ ઓપરેશન પણ શરૂ કરી દેવામાં આવ્યું હતું. રેસ્ક્યુ ઓપરેશન થકી અનેક લોકોને બચાવી લેવામાં આવ્યા છે. જ્યારે અનેક લોકો મોતને ભેટ્યા છે. મોતનો આંક સતત વધી રહ્યો છે. મળતા આંકડા મુજબ આ મોતનો આંક 130ને પાર પહોંચી ગયો છે. દુ:ખદ વાત એ છે કે આ ઘટનામાં ધ્રોલ તાલુકાના જાલીયા દેવાણી ગામના એક જ  પરિવારના 7 સભ્યોએ પોતાનો જીવ ગુમાવ્યો છે. જે સાત લોકોએ આ ઘટનામાં જીવ ગુમાવ્યો તેમાંથી 5 તો બાળકો હતા. નાનકડા ગામમાંથી સાત લોકો મોતને ભેટ્યા છે જેને કારણે સમગ્ર સૌરાષ્ટ્રમાં અરેરાટી વ્યાપી ઉઠી છે.