દીપડાએ પતિ પર હુમલો કરતા પત્નીએ પાવડાનો હાથો ઉપાડ્યો અને દીપડાના માથામાં ફટાકારી દીધો. દીપડો ઘાયલ થતાં બેભાન થઈ ઢળી પડ્યો.....  

દીપડાએ ચાર લોકો પર કર્યો હુમલો

અમરેલીના ધારી તાલુકાના શિવડ ગામમાં દીપડો ઘૂસી આવ્યો હતો. દીપડાએ ચાર લોકો પર હુમલો કર્યો હતો. આ હુમલામાં એક વ્યક્તિ પર દીપડાનો હુમલો થયો ત્યારે તેની પત્નીએ દોડીને પાવડાનો હાથો દીપડાના માથા પર મારી દીધો હતો. દીપડાને માથામાં વાગતા દીપડો બેભાન થઈ ઢળી પડ્યો હતો. સ્થાનિક વન વિભાગની ટીમે હુમલો કરનાર દીપડાને પાંજરે પૂર્યો હતો. હાલ પતિની સારવાર ચાલી રહી છે. તમામ ઈજાગ્રસ્તોને સ્થાનિક હોસ્પિટલમાં ખસેડવામાં આવ્યા છે અને તેમની પણ સારવાર ચાલી રહી છે.

 
મહિલાએ દીપડાને પાવડાનો ઘા માર્યો અને બેભાન કરી દીધો

દીપડાનો આતંક કેટલાય દિવસોથી ગામની અંદર ચાલુ હતો. શિવડ ગામમાં 70-80 જેટલા લોકો વસે છે તેઓ દીપડાની ફરિયાદ કરી રહ્યા હતા. દીપડાએ શિવડ ગામના જલ્પાબેન,, વાજીબેન, મહેશભાઈ અને ગોવિંદભાઈ પર હુમલો કર્યો હતો. તમામ લોકોની સારવાર ચાલી રહી છે અને દીપડાને આંબરડી સફારી પાર્ક ખાતે સારવાર માટે મોકલી આપવામાં આવ્યો છે.