.jpg "The News Reporter")
વિદેશમાં જવાનો ક્રેઝ થોડા સમયથી વધી ગયો છે. અનેક લોકો વિદેશમાં જવા લાખો રૂપિયા ખરચતા હોય છે. પરંતુ વિદેશની ધરતી પરથી અનેક વખત એવા કિસ્સાઓ સામે આવી રહ્યા છે જેમાં ગેરકાયદેસર રીતે કોઈપણ દેશમાં લોકો ઘૂસવાની કોશિષ કરતા હોય છે અને જીવન ગુમાવતા હોય છે. ત્યારે કેનેડાથી ગેરકાયદેસર રીતે અમેરિકામાં પ્રવેશવાનો પ્રયાસ કરતી વખતે બે પરિવારના આઠ સભ્યો મોતને ભેટ્યાં છે. મરનાર લોકોમાં એક પરિવાર ભારતનો હતો.
ગેરકાયદેસર રીતે ઘૂસવાનો બે પરિવારે કર્યો પ્રયાસ
વિદેશ જઈ વસવાનો શોખ અનેક ભારતીયોમાં જોવા મળતો હોય છે. વિદેશ જવાનું સપનું લોકો જોતા હોય છે. પરંતુ અનેક વખત એવા કિસ્સાઓ સામે આવતા રહે છે જેમાં લોકો ગેરકાયદેસર રીતે ઘૂસવાની કોશિષ કરતા હોય છે જેને કારણે અનેક વખત દુર્ઘટના સર્જાતી હોય છે. ત્યારે આવા જ એક સમાચાર કેનેડાથી સામે આવ્યા છે. ગેરકાયકેસર રીતે યુએસમાં પ્રવેશ કરવાનો પ્રયાસ કર્યો હતો. જે દરમિયાન દુર્ઘટના સર્જાઈ હતી. મળતી માહિતી અનુસાર પરિવારે બોટ દ્વારા સેન્ટ લોરેન્સ નદી પાર કરવાનો પ્રયત્ન કર્યો હતો. જે બાદ દુર્ઘટના સર્જાઈ હતી. પોલીસને ક્યુબેકના એક વિસ્તારમાં પલટી ગયેલી બોટ નજીકથી મૃતદેહ મળી આવ્યો હતો.
પોલીસે આ અંગે કરી પ્રતિક્રિયા
અમેરિકાના પોલીસ વડાએ આ અંગે પ્રતિક્રિયા આપી હતી. તેમણે જણાવ્યું કે એવું માનવામાં આવી રહ્યું છે કે તેઓ બે પરિવારના હતા. એક પરિવાર રોમાનિયમ મૂળનો છે અને બીજો પરિવાર ભારતીય મૂળનો છે. તમામ કેનેડાથી ગેરકાયદેસર રીતે અમેરિકામાં પ્રવેશ કરવાનો પ્રયત્ન કર્યો હતો. આ ઘટનાને લઈ કેનેડાના વડાપ્રધાને પણ શોક પ્રગટ કર્યો છે.
આ પરિવારના સભ્યોએ પણ ગુમાવ્યો છે જીવ
આ માત્ર એક જ પરિવાર નથી જે દુર્ઘટનાનો શિકાર બન્યો છે. પરંતુ આવા અનેક કિસ્સાઓ સામે આવતા રહે છે જેમાં ગેરકાયદેસર રીતે ઘૂસવાનો પ્રયાસ મોંઘો પડ્યો છે. થોડા મહિનાઓ પહેલા અમેરિકા પહોંચવાની લાલચમાં અનેક પરિવારો વિખેરાઈ ગયા છે. અનેક લોકોએ પોતાના પરિવારના સભ્યોને ગુમાવ્યા છે. સૌથી વધારે ચર્ચિત કોઈ પરિવાર હોય તો તે ગાંધીનગરના કલોલમાં રહેતો પરિવાર બન્યો છે. પરિવારે મેક્સિકોથી અમેરિકામાં ગેરકાયદેસર રીતે ઘૂસવાનો પ્રયાસ કર્યો હતો. 30 ફૂટ ઉંચી દિવાલને ઓળંગવાનો પ્રયાસ કર્યો હતો. પરંતુ તેમાં સફળ ન થયા અને ઉપરથી નીચે પટકાયા હતા. તે સિવાય ડિંગુચા પરિવારના સભ્યોએ પણ વિદેશ જવાની લાયમાં મોતને ભેટ્યા છે. પરિવાર માઈનસ 35 ડિગ્રી ઠંડીમાં થીજી જતાં ડિંગુચા પરિવારના સભ્યો મોતને ભેટ્યા છે. ત્યારે પ્રશ્ન એ થાય છે કે વિદેશમાં એવું તો શું છે કે લોકો ગેરકાયદેસર જઈ રહ્યા છે.
