મોંધવારીની માર વચ્ચે બીજો ફટકો !!!!!

અદાણી CNG ગેસમાં ફરી ભાવ વધારો થયો છે. CNGમાં પ્રતિ કિલોએ 3 રૂપીયાનો વધારો થયો છે. હવે અદાણી CNG ગેસનો નવો ભાવ 86.90 રૂપીયા થયો છે. નેચરલ ગેસના ભાવમાં વધારાને કારણે CNGના ભાવમાં વધારો થયો છે.

વધતી મોંધવારી જોતાં મધ્યમ વર્ગના લોકોની હાલત સૂડી વચ્ચે સોપારી જેવી થઈ છે. CNGના ભાવમાં સીધો 3 રૂપીયાનો વધારો કરાયો છે . કાલ સુધી લોકો ને જે ગેસ 83.90 રૂપીયામાં પડતો હતો એ આજે 86.90 રૂપીયામાં પડશે.

સામાન્ય લોકો હાલ તો મોંધવારીથી કંટાડીને સરકાર પાસેથી રાહતની અપેક્ષા રાખતા હતા. પરંતુ રાહત તો દૂરની વાત છે જીવન જરૂરી વસ્તુઓના ભાવ વધારાને કારણે લોકો ત્રાહિમામ થયા છે.