રાષ્ટ્રીય રાજપૂત કરણી સેનાના પ્રમુખ સુખદેવ સિંહ ગોગામેડી (Sukhdev Singh Gogamedi) હત્યા કેસમાં પોલીસને મોટી સફળતા મળી છે. પોલીસે ચંદીગઢથી હત્યામાં સામેલ બંને શૂટર્સ સહિત 3 લોકોની ધરપકડ કરી છે. રાજસ્થાન પોલીસ અને દિલ્હી પોલીસ ક્રાઈમ બ્રાન્ચે હત્યામાં સામેલ બે શૂટર્સ (રોહિત રાઠોડ અને નીતિન ફૌજી) સહિત ત્રણ લોકોની ચંદીગઢ સેક્ટર 22 Aની એક હોટલમાંથી ધરપકડ કરી છે. પોલીસને આરોપીઓ પાસેથી મોબાઈલ ફોન મળી આવ્યા હતા, જે રીકવર કરવામાં આવ્યા છે. પોલીસ ત્રણેય આરોપીઓને દિલ્હી લાવી છે, હવે પોલીસ તેમને જયપુર લઈ જશે. આ સંદર્ભે દિલ્હી પોલીસ ક્રાઈમ બ્રાન્ચના સ્પેશિયલ કમિશનર રવિન્દ્ર યાદવ પ્રેસ કોન્ફરન્સ કરશે. 

सुखदेव सिंह गोगामेड़ी हत्याकांड | दिल्ली पुलिस की क्राइम ब्रांच ने राजस्थान पुलिस के साथ संयुक्त ऑपरेशन में सुखदेव सिंह गोगामेड़ी हत्याकांड के मुख्य आरोपी रोहित राठौड़ और नितिन फौजी समेत तीन आरोपियों को चंडीगढ़ से हिरासत में लिया है। आरोपियों को दिल्ली लाया जा रहा है: दिल्ली… pic.twitter.com/0oXKkxbPuj

— ANI_HindiNews (@AHindinews) December 9, 2023

હત્યા બાદ મનાલી પહોંચી ગયા હતા

હત્યા બાદ આરોપીઓ પોલીસથી છુપાઈને તેઓ મનાલી પહોંચ્યા હતા. દિલ્હી પોલીસ ક્રાઈમ બ્રાન્ચના સૂત્રોના જણાવ્યા અનુસાર, સુખદેવ સિંહની હત્યા કર્યા બાદ આરોપીઓ પહેલા ટ્રેનમાં હિસાર ગયા હતા, હિસાર પહોંચ્યા બાદ બસમાં મનાલી જવા રવાના થયા. - મનાલીથી મંડી અને પછી ચંદીગઢ આવ્યા હતા. હત્યારાઓ એક હોટલમાં રોકાયા હતા ત્યારે જ ચંદીગઢની હોટલમાંથી પોલીસે ધરપકડ કરી હતી. શૂટરોએ હત્યા કર્યા પછી હથિયાર છુપાવી દીધા હતા, જેથી તેઓ ટ્રેનમાં ચેકિંગ દરમિયાન પકડાઈ ન જાય અથવા બસ. જે બાદમાં તેમની ધરપકડ કરવામાં આવી હતી. હવે પોલીસે તે હથિયારો હસ્તગત કરવાની તજવીજ હાથ ધરી છે. પોલીસે તેમના મોબાઈલને ટ્રેક કર્યો હતો, જ્યારે પોલીસ તેમની પાસે પહોંચી ત્યારે ત્રણેય સાથે જ હતા.