આપણે કહીએ છીએ છે કે દરેક માનવમાં ઈશ્વર રહેલો છે. ભગવાન પોતે આપણી સમક્ષ નથી આવતા પરંતુ કોઈ વ્યક્તિને તેમનો દુત બનાવી આપણી પાસે, આપણી મદદમાં મોકલી દેતા હોય છે. ભગવાનના રૂપમાં મદદે અનેક એવા લોકો આવતા હોય છે જેમની આપણે કલ્પના પણ ન કરી હોય. માણસોમાં પણ બે વ્યક્તિત્વ રહેલું હોય છે. એક નકારાત્મક અને એક સકારાત્મક રૂપ આપણી સૌની અંદર રહેલું હોય છે. આપણને માણસમાં રહેલી નકારાત્મકતા આપોઆપ દેખાઈ જતી હોય છે પરંતુ સકારાત્મક રૂપ આપણે શોધવું પડે છે. આ વાત પોલીસ કર્મીઓ પર પહેલા લાગુ પડતી હોય છે. 

ફરિયાદ કરવા આવેલા દાદીને ગરમી ન લાગે તે માટે પોલીસે કરી વ્યવસ્થા

કુમાર વિશ્વાસ દ્વારા એક વીડિયો શેર કરવામાં આવ્યો છે જેમાં પોલીસ કર્મીઓ એક વૃદ્ધ મહિલાને ગાડીમાં બેસાડી ઘરે છોડવા જાય છે. કાનપુર પોલીસ સ્ટેશનમાં પોતાની ફરિયાદ કરવા જ્યારે 80 વર્ષની મહિલા પહોંચી ત્યારે તેમને પ્રેમભર્યો આવકાર આપવામાં આવ્યો અને દાદીને ગરમીમાં ઘરે ન જવું પડે તે માટે પોલીસે પોતાનની ગાડીમાં બેસાડી દાદીને મોકલ્યા. તે પહેલા પણ એવા અનેક વીડિયો સામે આવ્યા છે જેમાં પોલીસ દ્વારા કરવામાં આવેલી કામગીરીએ લોકોનું દિલ જીતી લીધું હોય. થોડા સમય પહેલા એક વીડિયો સામે આવ્યો હતો જેમાં એક પોલીસ કર્મી દાદાને નવા ચપ્પલ પહેરાવે છે. તે સિવાય પણ એવા અનેક વીડિયો સામે આવતા રહે છે જેને જોઈ લાગે છે કે માનવતા હજી નથી મરી પરવારી.      

પોલીસનું આવું રૂપ જલ્દી નથી જોવા મળતું 

પોલીસને આપણે હંમેશા દંડ વસૂલતા જોતા હોઈએ છીએ, વર્દીનો વટ પાડતા, દાદાગીરી કરતા દેખાતા હોય છે. એવા અનેક કિસ્સાઓ આપણી સામે આવતા હોય છે જે આ વાતને સાચી સાબિત કરે છે. આ વાતને પૂર્ણ રીતે નકારી શકાય તેવી છે પણ નહીં. પરંતુ પોલીસનો એક બીજું રૂપ પણ હોય છે જે આપણે કદી નથી જોતા. જે પોલીસ આપણને એકદમ કડક દેખાતી હોય છે તે જ પોલીસના એવા અનેક દ્રશ્યો સામે આવતા હોય છે જેને જોઈ લાગે છે કે માનવતા હજી નથી મરી પરવારી. પોલીસ ઉપરાંત લોકો દ્વારા કરવામાં આવતી આવી કામગીરી માનવતાને મહેંકાવતી રાખે છે.