ઉત્તરાયણ પર્વની ઉજવણી ધૂમધામથી કરવામાં આવી રહી છે. વહેલી સવારથી લોકો ધાબા પર ચઢી પતંગ ચગાવવાની મજા માણી રહ્યા છે. ત્યારે ગુજરાતના મુખ્યમંત્રી ભૂપેન્દ્ર પટેલે પણ ઉત્તરાયણની મજા માણી હતી. દરિયાપુર ખાતે તેમણે પતંગ ચગાવી ઉત્તરાયણની ઉજવણી કરી હતી. ભાજપના કાર્યકર્તાઓ અને દરિયાપુરના ધારાસભ્ય પણ તેમની સાથે હાજર હતા. કૌશિક જૈને  ફિરકી પકડી હતી. 

અમિત શાહે જગન્નાથ મંદિરમાં કરી આરતી  

દર વર્ષે ઉત્તરાયણની ઉજવણી કરવા અમિત શાહ ગુજરાત આવતા હોય છે. આ વર્ષે પણ તેઓ ગુજરાત આવ્યા છે. જગન્નાથ મંદિરમાં તેઓ વિશેષ આસ્થા રાખે છે. જગન્નાથ મંદિરમાં તેમણે આરતી કરી હતી. દર્શન કર્યા બાદ તેમણે ગાયની પૂજા કરી હતી. અમિત શાહનું સ્વાગત ઢોલ-નગારા સાથે કર્યું હતું.