રાજસ્થાનમાં વિધાસનભાની ચૂંટણી યોજાવાની છે. ચૂંટણી નજીક આવતા રાજકીય પાર્ટી દ્વારા જોરશોરથી પ્રચાર કરવામાં આવી રહ્યો છે. રાજસ્થાનમાં પણ ચૂંટણીનો ધમધમાટ જોવા મળી રહ્યો છે. આજે રાજસ્થાન માટે ભાજપે ચૂંટણી ઢંઢેરો જાહેર કર્યો છે. ભાજપના રાષ્ટ્રીય અધ્યક્ષ જે.પી.નડ્ડાએ ચૂંટણી પ્રચારના ધમધમાટ વચ્ચે રાજસ્થાનની જનતાને અનેક વચનો આપ્યા છે. જયપુરમાં પાર્ટીનો સંકલ્પ પત્ર જાહેર કર્યો છે. પોતાના ચૂંટણી ઢંઢેરામાં ભાજપે સૌથી વધારે ધ્યાન મહિલાઓની સુરક્ષા પર આપ્યું છે તેવું લાગી રહ્યું છે. તે ઉપરાંત દરેક જિલ્લામાં વિદ્યાર્થીનીઓને મહિલા પોલીસ સ્ટેશન અને સ્કૂટર જેવી સુવિધાઓ આપવાનું વચન ભાજપે આપ્યું છે.

રાજસ્થાનમાં ચૂંટણી પ્રચાર કરી રહ્યા છે રાજકીય પાર્ટીના દિગ્ગજ નેતાઓ  

2024માં લોકસભા ચૂંટણી થવાની છે પરંતુ તે પહેલા પાંચ રાજ્યોમાં વિધાનસભા ચૂંટણી થઈ રહી છે. એક રાજ્યમાં મતદાન પૂર્ણ થઈ ગયું છે, છત્તીસગઢમાં મતદાનનો એક તબક્કો પૂર્ણ થઈ ગયો છે ત્યારે હવે આવનાર દિવસોમાં બાકી રહેલા રાજ્યોમાં ચૂંટણી થવાની છે. રાજસ્થાનમાં ચૂંટણી પ્રચારનો ધમધમાટ જોવા મળી રહ્યો છે. એક તરફ કોંગ્રેસના દિગ્ગજ નેતાઓ ચૂંટણી પ્રચાર કરવા માટે મેદાનમાં આવ્યા છે તો ભાજપ તરફથી પણ પ્રચાર માટે દિગ્ગજ નેતાઓ આવી રહ્યા છે. જયપુર ખાતે ભાજપે પોતાનો સંકલ્પ પત્ર જાહેર કર્યો છે. જે.પી.નડ્ડાએ રાજસ્થાન માટે સંકલ્પ પત્ર જાહેર કર્યો છે. બીજેપીએ પોતાના સંકલ્પ પત્રમાં મહિલા સુરક્ષા પર વિશેષ ધ્યાન આપ્યું છે. તે ઉપરાંત શિક્ષાને ધ્યાનમાં રાખી પણ અનેક જાહેરાતો કરવામાં આવી છે. 

आपणो अग्रणी राजस्थान संकल्प पत्र 2023.

कांग्रेस राज में नीलाम हुई किसानों की जमीन का उचित मुआवजा देने के लिए मुआवजा नीति लाएंगे, गेहूं के MSP के ऊपर बोनस देकर 2,700 रुपये प्रति क्विंटल पर खरीद करेंगे और पीएम किसान सम्मान निधि की राशि बढाकर 12,000 रुपये करेंगे।… pic.twitter.com/4USkPPMMz0

— BJP (@BJP4India) November 16, 2023

એલપીજી સિલિન્ડર 450 રુપિયામાં મળશે!

બીજેપીએ રાજસ્થાન માટે ચૂંટણી ઢંઢેરો તો જાહેર કર્યો પરંતુ તે બાદ કોંગ્રેસ પર પણ આક્રામક દેખાયા હતા. જે.પી.નડ્ડાએ કહ્યું કે અન્ય પક્ષો માટે ઢંઢેરો માત્ર ઔપચારિકતા છે, પરંતુ ભાજપ માટે તે વિકાસનો માર્ગ નકશો છે. તેમાં લખેલા શબ્દોને પૂરા કરવા અમે પ્રતિબદ્ધ છીએ. અમારો ઇતિહાસ છે, અમે જે કહ્યું તે અમે કર્યું છે. જે કહેવામાં આવ્યું નથી તે પણ કરવામાં આવ્યું છે. રાજસ્થાન માટે જાહેર કરવામાં આવેલા ઘોષણા પત્રમાં એવી જાહેરાત કરવામાં આવી છે કે ભાજપ કેજીથી પીજી સુધીનું શિક્ષણ ફ્રી કરશે. એવું પણ કહેવામાં આવ્યું છે કે LPG માત્ર 450 રૂપિયામાં ઉપલબ્ધ કરાવવામાં આવશે.