લોકસભાની ચુંટણીમાં ભાજપએ bjp ફર્સ્ટ એ મગજમાં રાખીને તૈયારીઓ શરૂ કરી દીધી છે એક તરફ ભરતી મેળો શરૂ કર્યો છે તો બીજી બાજુ ભાજપના ઘણા નેતાઓને ઘરભેગા કરવાનો પ્લાન પણ બનાવી દીધો છે કેમ નેતાઓને કાઢશે કારણ કે તેમની ઉંમર થઈ ગઈ છે! 

નવા ચહેરાને મળી શકે છે આ વખતે તક! 

લોકસભાની ચૂંટણીમાં 400થી વધુ બેઠકો જીતવાના લક્ષ્યાંક સાથે ભાજપ આગળ વધી રહ્યું છે. રામ મંદિર પ્રાણ પ્રતિષ્ઠા મહોત્સવ બાદ ઇન્ડિયા મહાગઠબંધનમાં ભંગાણ પડી રહ્યું છે. જેને કારણે ભાજપની રાજકીય સ્થિતી વધુ મજબૂત બની છે. જોકે, આ વખતે ગુજરાતમાં 20થી વધુ વર્તમાન સાંસદોના પત્તા કપાશે તેવી માહિતી મળી છે.  ભાજપ નવા ચહેરાઓને ચૂંટણી મેદાને ઉતારે તેવી પુરેપુરી શક્યતાઓ હાલ દેખાઈ રહી છે. તેમાં વિવાદાસ્પદ જ નહીં, 65થી વધુ વયના સાંસદોને ઘર ભેગા કરવા હાઇકમાન્ડે મન બનાવી લીધુ છે. એટલે હવે મોટી ઉંમરના સાંસદોને ઘરે આરામ કરવા મોકલી શકે છે.

અમિત શાહ ગાંધીનગર લોકસભા બેઠક પરથી લડશે ચૂંટણી 

ઘણી બધી વાર પીએમ મોદી અને ભાજપના વરિષ્ઠ નેતાઓ એવો વિચાર મૂકે છે કે નવા લોકોને તક આપવી જોઈએ. વિધાનસભામાં પણ એવું દેખાયું હતું. ત્યારે લોકસભામાં પણ એ ચિત્ર દેખાઈ શકે છે.ગુજરાત ભાજપનો મજબૂત ગઢ છે ત્યારે આ વખતે ગુજરાતમાં 26 પૈકી 26 બેઠકો પાંચ લાખના માર્જીનથી જીતવા લક્ષ્ય રાખવામાં આવ્યો છે.   અમદાવાદમાં ચૂંટણી કાર્યાલયના ઉદ્ઘાટન બાદ એક માત્ર અમિત શાહ ગાંધીનગર લોકસભા બેઠક પરથી ચૂંટણી લડે તેવા સંકેત મળ્યા છે. અન્ય બેઠકો પર કોને ટિકીટ મળશે તે અનુમાન લગાવવું મુશ્કેલ છે 

મોદીના નામ પર લડાશે ચૂંટણી!

આ વખતે પણ ભાજપ હાઇકમાન્ડનો રિપીટ થિયરી અમલમાં મૂકીને વર્તમાન સાંસદોને ઘેરભેગા કરવાનુ મન બનાવ્યુ છે. આ ઉપરાંત આ વખતે તો સિર્ફ મોદી નામ કાફી હે આધારે જ ચૂંટણી લડાશે. આ કારણોસર જ હાઇકમાન્ડ જેને નક્કી કરે તેને વધાવી ભારે લીડ સાથે જીતાડવાનો આદેશ અત્યારથી જ આપી દેવાયો છે. એટલે વર કોઈ પણ હોય કન્યા માત્ર ગોત્ર જોઈને નક્કી કરશે! અત્યારથી ભાજપે સેન્સ પ્રક્રિયા શરૂ કરી દીધી છે. ગુજરાતમાં દિપસિંહ રાઠોડ, નારણ કાછડિયા, ભરતસિંહ ડાભી,  શારદાબેન પટેલ, મનસુખ વસાવા, પરબત પટેલ, કિરીટ સોલંકી સહિતના સાંસદો 65થી વધુ વયના છે. 

કોની કોની કપાઈ શકે છે ટિકીટ?

જેમની ટિકિટ અત્યારે ખતરામાં છે મહેસાણાના સાંસદ શારદાબેન પટેલ ચૂંટણી સામેથી જ લડવાનો ઇન્કાર કરી ચૂક્યા છે. તેમણે ખુદ એ વાત કહીકે, મારી ઉંમર થઇ. હવે યુવા,નવા ચહેરાને તક મળવી જોઇએ.એટલે આમ બીજા નેતાઓ પણ સામેથિજ ચુંટણી લડવાની ના પડી શકે છે . આ વખતે ભાજપની લોકસભા માટે રણનીતિ કઈક અલગ રહેવાની છે જેમાં આ વખતે ભાજપ હાઇકમાન્ડે રાજયસભા અને લોકસભા સાંસદોને ચૂંટણી મેદાને ઉતારવા નક્કી કર્યુ છે તો હવે લોકસભાના સત્તાના ખેલમાં કયો પક્ષ લોકોની અપેક્ષા પર ખરો ઉતરે છે તે જોવાનું રહ્યું