આજનું ગૂગલ ડૂડલ ચંદ્રયાન-3ની સફળતાની ઉજવણી માટે બનાવવામાં આવ્યું છે. ભારત પ્રથમ વખત ચંદ્રના દક્ષિણ ધ્રુવ પર ઉતરનાર પ્રથમ અને એકમાત્ર દેશ બન્યો છે. આ ખુશીની ઉજવણી કરતા ગૂગલે તેનું નવું ડૂડલ બનાવ્યું છે. ચંદ્રયાન-3 અવકાશયાન 14 જુલાઈ, 2023 ના રોજ ભારતના આંધ્ર પ્રદેશના શ્રીહરિકોટા રેન્જમાં સતીશ ધવન સ્પેસ સેન્ટરથી લોન્ચ કરવામાં આવ્યું હતું અને 23 ઓગસ્ટ, 2023ના રોજ ચંદ્રના દક્ષિણ ધ્રુવની નજીક સફળતાપૂર્વક સોફ્ટ-લેન્ડ થયું હતું.

You'll catch us smiling every time we open the Google homepage today ☺
Here's celebrating the historic feat by @isro's #Chandrayaan3 and the first landing on the moon's south pole, with this #GoogleDoodle ???? pic.twitter.com/IIWcx4e6v2

— Google India (@GoogleIndia) August 24, 2023

દક્ષિણ ધ્રુવ પર ઉતરનાર પ્રથમ દેશ ભારત

ઉલ્લેખનિય છે કે આ પહેલા માત્ર અમેરિકા, ચીન અને પૂર્વ સોવિયત યુનિયન ચંદ્ર પર સફળતાપૂર્વક સોફ્ટ લેન્ડ કરી ચૂક્યા છે, પરંતુ આ પહેલા કોઈ દેશ દક્ષિણ ધ્રુવ ક્ષેત્રમાં નથી પહોંચ્યો. આવી સ્થિતિમાં ભારત ન માત્ર ચંદ્ર પર પહોંચનારો ચોથો દેશ બન્યો છે પરંતુ ચંદ્રના દક્ષિણ ધ્રુવ પર ઉતરનાર પ્રથમ દેશ પણ બની ગયો છે.

ડૂડલની શું છે વિશેષતા?

આમાં ગૂગલના O ને ચંદ્ર તરીકે દર્શાવવામાં આવ્યો છે. ચંદ્રયાન-3 તેની આસપાસ ફરતું બતાવવામાં આવ્યું છે. ત્યારબાદ ચંદ્રયાન ચંદ્ર પર ઉતરશે. ત્યાર બાદ પૃથ્વીનું પણ ચિત્રણ કરવામાં આવ્યું છે. ગૂગલે આ ડૂડલ ખૂબ જ સ્પષ્ટ અને સુંદર બનાવ્યું છે. આ ડૂડલ પર ક્લિક કરવાથી ચંદ્રયાન-3 સંબંધિત ઘણી માહિતી સામે આવે છે.

ગૂગલ દરેક ખાસ પ્રસંગે ડૂડલ બનાવે છે. આમાં, તમે દરેક દિવસ કેમ ખાસ છે તેની માહિતી મેળવી શકો છો. ગૂગલનું નવું ડૂડલ લગભગ દરરોજ આવે છે. ગૂગલે ચંદ્રયાન-3ની સફળતા પર એક અદ્ભુત ડૂડલ પણ રજૂ કર્યું છે.