રાજ્યમાં સતત કોરોનાના કેસમાં  છેલ્લા કેટલાક દિવસોથી વધારો-ઘટાડો થતો જોવા મળી રહ્યો છે. રાજ્યમાં છેલ્લા 24 કલાક દરમિયાન કોરોનાના નવા કેસ 254  કેસ નોંધાયા છે. જ્યારે આજ સમયગાળા દરમિયાન વધુ 333 દર્દીઓ સારવાર બાદ સાજા થતાં તેમને ડિસ્ચાર્જ કરવામાં આવ્યા છે. રાજ્યમાં આજે અમદાવાદમાં કોરોનાના કારણે એક વ્યક્તિનું મોત નિપજ્યું છે. રાજ્યમાં કોરોનાથી સાજા થવાનો દર 98.98 ટકા નોંધાયો છે. 

કુલ 1917  એક્ટિવ કેસ 

રાજ્યમાં કોરોનાના કુલ 1917  એક્ટિવ કેસ છે. જે પૈકી 06 દર્દીઓની હાલત ગંભીર જણાતા તેમને વેન્ટિલેટર હેઠળ રાખવામાં આવ્યા છે. જ્યારે અન્ય 1911 દર્દીઓની હાલત હાલ સ્થિર છે. આ ઉપરાંત રાજ્યમાં અત્યાર સુધીમાં 12,76,047 લોકોને હોસ્પિટલમાંથી ડિસ્ચાર્જ કરવામાં આવ્યા છે. તો બીજી તરફ અત્યાર સુધીમાં કોરોનાથી કુલ 11073  લોકોએ પોતાનો જીવ ગુમાવ્યો છે. 

રાજ્યમાં ક્યાં કેટલા કેસ નોંધાયા?  

રાજ્યના વિવિધ જિલ્લા અને કોર્પોરેશનોમાં નોંધાયેલા નવા કેસ પર એક નજર કરીએ તો કોરોનાના સૌથી વધુ 75 કેસ તો એકલા અમદાવાદમાંથી નોંધાયા છે. આ ઉપરાંત  વડોદરામાં 37 કેસ, સુરતમાં 46 કેસ અને રાજકોટમાં માત્ર 3 કેસ સામે આવ્યા છે. ગાંધીનગરમાં 17 કેસ, મહેસાણામાં 10 કેસ, અમરેલીમાં 8 કેસ અને વલસાડમાં પણ 8 કેસ નોંધાયા છે. પાટણ અને સાબરકાંઠામાં 7-7 કેસ સામે આવ્યા છે. ભરૂચમાં 6 કેસ, ભાવનગરમાં 6 કેસ, નવસારીમાં 5 કેસ નોંધાયા છે. આણંદ અને મોરબીમાં 4-4 કેસ સામે આવ્યા છે. જ્યારે કચ્છમાં 3 કેસ નોંધાયા છે. ગીર સોમનાથમાં 2 કેસ, પંચમહાલમાં 2 કેસ, પોરબંદરમાં 2 કેસ, જામગનરમાં 1 કેસ અને ખેડામાં 1 કેસ નોંધાયો છે.