.jpg "The News Reporter")
અનેક વસ્તુઓ લોકો ઓનલાઈન મંગાવતા હોય છે. નાની વસ્તુથી લઈ મોટી વસ્તુ લોકો ઓનલાઈન ઓર્ડર કરતા હોય છે. ત્યારે એક એવો કિસ્સો સામે આવ્યો છે જેમાં એમેઝોનના ડિલીવરી બોયે રસીદને લઈ ગ્રાહક જોડે રકઝક કરી હતી. મામલો એટલો બધો ઉગ્ર બન્યો કે ડિલિવરી બોયે મહિલાનું ગળું દબાવી મારી નાખવાનો પ્રયાસ કર્યો હતો. જ્યારે મહિલાને બચાવવા માટે તેના પિતા વચ્ચે પડ્યા ત્યારે તેમને પણ ધક્કો મારી દીધો હતો જેને કારણે તેમને પણ ઈજા પહોંચી હતી. આ મામલાને લઈ પોલીસ ફરિયાદ કરવામાં આવી છે. હત્યાનો પ્રયાસ કરવાનો ગુન્હો આ મામલે દાખલ કરવામાં આવ્યો છે.
ડિલિવરી બોયે યુવતીનું દબાવ્યું ગળું!
ઓનલાઈન શોપિંગનો કેઝ દિવસેને દિવસે વધી રહ્યો છે. અનેક લોકો ઓનલાઈન ઓર્ડર કરતા હોય છે. ઘરે બેઠા બેઠા સામાન મળી જાય તે માટે લોકો આ સુવિધાનો લાભ લેતા હોય છે. અનેક વખત ઓનલાઈન મંગાવેલી વસ્તુમાં ગડબડ થતી હોય છે. મંગાવ્યું કઈ હોય અને નીકળે કંઈક એવા કિસ્સાઓ આપણી સામે અનેક વખત આવ્યા છે. ત્યારે આજે વાત સામાનની ડિલીવરી કરવા આવતા ડિલિવરી બોય વિશે કરવી છે. કોઈ ડિલિવરી બોય સારા હોય છે તો કોઈ ડિલિવરી બોય સારા નથી પણ હોતા. ત્યારે મહેસાણાથી એક કિસ્સો સામે આવ્યો છે જેમાં ડિલિવરી બોયે યુવતીનું ગળું દબાવી મારવાનો પ્રયાસ કર્યો છે.
પોલીસે આ મામલે નોંધી ફરિયાદ!
મળતી માહિતી અનુસાર આ ઘટના મહેસાણાની કૃષ્ણ પાર્ક સોસાટીની છે. ત્યારે યુવતીએ ઓનલાઈન લેપટોપ બેગનો ઓર્ડર કર્યો હતો. જ્યારે પાર્સલ આપવા માટે ડિલિવરી બોય આવ્યો ત્યારે રસીદ બાબતે યુવતી સાથે રકઝક થઈ હતી. જે દરમિયાન ડિલિવરી બોય એટલો ઉશ્કેરાઈ ગયો કે તેણે યુવતીનું ગળું દબાવી દીધું. 40 રુપિયાની રસીદ માગતા આ મામલો ગરમાયો હતો. યુવતીને બચાવવા વચ્ચે પડેલા તેના પિતાને પણ માર માર્યો હતો. આ ઝપાઝપીમાં પિતા પણ ઈજાગ્રસ્ત થયા હતા. ત્યારે આ સમગ્ર મામલે પોલીસ ફરિયાદ નોંધવામાં આવી હતી. ડિલિવરી બોય સામે ફરિયાદ નોંધી છે.
