કમોસમી વરસાદને કારણે મોડાસાના આ ગામમાં સર્જાઈ પુર જેવી પરિસ્થિતિ, પાણી ભરાતા સ્થાનિકોની વધી મુશ્કેલી


  • Published By : Dimple Bhatt
  • Published Date : 2023-03-18 13:38:58

ગ્લોબલ વોર્મિંગને કારણે વાતાવરણ ગમે ત્યારે પલટાઈ જાય છે તે ખબર નથી પડતી. અનિયમિત વાતાવરણ થઈ ગયું છે. ત્યારે ઉનાળામાં કમોસમી વરસાદ વરસ્યો છે જેને કારણે ખેડૂતોની પીડા અસહનીય બની ગઈ છે. કુદરતનો માર સહન કરવા ખેડૂતો મજબૂર બન્યા છે. ત્યારે મોડાસાના ઉમેદપુર ગામથી દ્રશ્યો સામે આવ્યા છે જેમાં ઉનાળાના સમયમાં પુર જેવી સ્થિતિનું નિર્માણ થયું છે. ઉમેદપુર નદી બે કાંઠે વહી રહી છે. જેને કારણે ખેતરોમાં પાણી ફરી વળ્યાં છે.


ગામમાં સર્જાઈ પુર જેવી સ્થિતિ 

ઉનાળાની શરૂઆતમાં જ કમોસમી વરસાદે એન્ટ્રી કરી છે. રાજ્યના અનેક જિલ્લાઓમાં કમોસમી વરસાદને કારણે જગતનો તાત ચિંતિત બન્યો છે. કોઈ જગ્યાએ કડાકા-ભડાકા સાથે વરસાદ વરસી રહ્યો છે તો કોઈ જગ્યાએ કરા સાથે વરસાદ વરસ્યો હતો. મોડાસાના ઉમેદપુર ગામના દ્રશ્યો સામે આવ્યા છે જેમાં પુર આવ્યું હોય તે રીતના કમોસમી વરસાદે તારાજી સર્જી છે. ઉમેદપુર ગામમાં સતત બે કલાક વરસાદ પડ્યો હતો. જેને કારણે ઉમેદપુર નદી બે કાંઠે વહી રહી છે. બે કાંઠે નદી વહેવાને કારણે ગામ સંપર્ક વિહોણું બન્યું છે. ગામનો સંપર્ક તૂટતા સ્થાનિકોને ભારે હાલાકીનો સામનો કરવો પડી રહ્યો છે.



ગ્લોબલ વોર્મિંગને કારણે સર્જાઈ આવી પરિસ્થિતિ! 

ભર ઉનાળે બે કાંઠે વહી રહેલી નદી એ કુદરતની કેટલી મોટી ચેતવણી છે, જેને કદાચ આપણે સમજી જ નથી રહ્યા. અનેક વખત વિકાસના નામે આપણે વિનાશ કરી દેતા હોઈએ છીએ. ગ્લોબલ વોર્મિંગ એટલી હદે વધી રહી છે, કે એક દિવસ આ જ ગ્લોબલ વોર્મિંગ આપણા વિનાશનું કારણ બની શકે છે. એવું લાગી રહ્યું છે, શહેરમાં થતા પ્રદુષણની અસર ગામડાઓમાં પણ દેખાઈ રહી છે, જેનું પરિણામ જગતના તાત એવાં ખેડૂતને ભોગવવું પડે છે. અંતે ખેડૂતોને રડવાનો વારો આવતો હોય છે. 



જામનગર ખાતે પ્રી-વેડિંગ સેલિબ્રેશનનું આયોજન કરવામાં આવ્યું છે. ત્યારે અંબાણી પરિવારે ગ્રામ્ય વિસ્તારમાં લોકડાયરા અને ભોજન સમારોહનું આયોજન કર્યું હતું. અનંત અંબાણી, રાધિકા મર્ચન્ટ, મુકેશ અંબાણી સહિતના પરિવારના સભ્યોએ ગ્રામજનોને ભોજન પીરસ્યું હતું. ગ્રામજનોના આશીર્વાદ પણ લીધા હતા.

ફરી એક મોટી રેલ દુર્ઘટના ઝારખંડમાં બની છે. ગઈકાલ રાત્રે આ અકસ્માત સર્જાયો. આ દુર્ઘટનામાં બે લોકોની લાશને તો ગઈકાલે જ રિકવર કરી લેવામાં આવી હતી. આ દુર્ઘટનામાં મૃત્યુઆંક વધી શકે છે તેવી પૂરેપૂરી શક્યતાઓ છે. મળતી માહિતી અનુસાર આ દુર્ઘટનામાં 12 લોકો ટ્રેનની નીચે આવીને કપાઈ ગયા હતા.

ભારતીય ક્રિકેટ કંટ્રોલ બોર્ડે બુધવારે 2023-24 સીઝન માટે ટીમ ઈન્ડિયા માટે વાર્ષિક ખેલાડી કરારની જાહેરાત કરી હતી.

છેલ્લા ઘણા સમયથી પોલીસ વિભાગમાંથી એવા સમાચારો સામે આવી રહ્યા છે જે વિભાગને શર્મસાર કરે એવા હોય છે. મેહુલ બોઘરાને લઈ પોલીસ દ્વારા કહેવામાં આવી રહ્યું છે કે તે છબી ખરાબ કરવાની કોશિશ કરી રહ્યા છે. પરંતુ તે વીડિયો ત્યારે જ બનાવે છે ને જ્યારે પોલીસ તોડ કરે છે, કાયદાનો ભંગ કરે છે.