શેરબજારમાં સવારે બમ્પર ઉછાળા બાદ આજે મોટો ઘટાડો જોવા મળ્યો છે. સેન્સેક્સ-નિફ્ટી મોટા ઘટાડા સાથે બંધ થયો હતો. ટ્રેડિંગના અંતે સેન્સેક્સ 930.88 પોઈન્ટ ઘટીને 70,506.31 પોઈન્ટ અને નિફ્ટી 302.95 પોઈન્ટના ઘટાડા સાથે 21,150.15 પોઈન્ટ પર બંધ થયો હતો. આજે ટ્રેડિંગમાં મિડકેપ ઈન્ડેક્સ 3 ટકાથી વધુ ઘટીને બંધ થયા છે. જ્યારે મેટલ, પાવર અને ઓટો ઈન્ડેક્સ સૌથી વધુ તૂટ્યા છે. પ્રોફિટ બુકિંગના કારણે માર્કેટમાં મોટો ઘટાડો જોવા મળ્યો છે.

આ શેરો ઘટ્યા 

નિફ્ટીના ટોપ લૂઝર્સમાં અદાણી પોર્ટ્સ, અદાણી એન્ટરપ્રાઈઝ, યુપીએલ, ટાટા સ્ટીલ અને કોલ ઈન્ડિયાના શેરનો સમાવેશ થાય છે. જ્યારે ONGC, ટાટા કન્ઝ્યુમર પ્રોડક્ટ્સ અને HDFC બેન્ક નિફ્ટીના ટોપ ગેનર્સની યાદીમાં સામેલ છે. BSE પર 30 માંથી 29 શેર લાલ નિશાનમાં આવ્યા છે. સમાચાર લખાય છે ત્યાં સુધી BSE ના 30 માંથી 29 શેર લાલ નિશાન પર પહોંચી ગયા હતા, જ્યારે એકમાત્ર શેર(HDFC બેન્ક શેર) માં થોડો વધારો જોવા મળી રહ્યો હતો. શેરબજારમાં આવેલા આ મોટા ઘટાડા વચ્ચે NTPCનો શેર 2.92 ટકા ઘટીને રૂ. 300.75, HCLTECHનો શેર 2.97 ટકા ઘટીને રૂ. 1443.90, M&Mનો શેર 3.20 ટકા ઘટીને રૂ. 1645.50, TAMOTORSનો સ્ટોક ઘટીને રૂ. 3.20 ટકા ઘટીને રૂ. 1645.50 થયો હતો. શેર 3.26 ટકા ઘટીને રૂ. 705.45 થયો હતો, જ્યારે ટાટા સ્ટીલનો શેર 3.40 ટકા ઘટીને રૂ. 130.80 આવી ગયો હતો.

બજાર ઘટવાના આ છે મોટા કારણો!

બજારમાં અચાનક ઘટાડાનાં કારણો પર નજર કરીએ તો વિદેશી રોકાણકારો દ્વારા ભારે વેચવાલીનાં કારણે શેરબજારમાં અચાનક ઘટાડો જોવા મળ્યો છે. વિદેશી રોકાણકારોએ રૂ. 600 કરોડથી વધુના શેરનું વેચાણ કર્યું હતું, જ્યારે સ્થાનિક રોકાણકારોએ લગભગ રૂ. 294 કરોડના શેર ખરીદ્યા હતા. આ સિવાય ઘટાડાનું બીજું મોટું કારણ કોરોનાના વધતા કેસ હતા. સ્વાસ્થ્ય મંત્રાલયના રિપોર્ટ અનુસાર, દેશભરમાં કોરોનાના નવા પ્રકારોના કેસ સતત વધી રહ્યા છે અને એક દિવસમાં 614 નવા કેસ નોંધાયા છે. બુધવારે સૌથી વધુ ઘટાડો બેંક, મેટલ અને ઓટો શેરોમાં જોવા મળ્યો હતો.