ગુજરાતમાં દારૂબંધીનો કાયદો મજાક બની ગયો છે, અવારનવાર દારૂબંધીના લીરેલીરા ઉડાડતી ઘટનાઓ સામે આવતી રહે છે. વડોદરા જિલ્લામાં એક શાળા માંથી દારૂનો મોટો જથ્થો મળી આવતા હડકંપ મચી ગયો છે. વારણામા પોલીસે ઇટોલા ગામે આવેલા આર્ય કન્યા વ્યાયમ મહાવિધાલયના બંધ ઓરડામાં રાખેલો રૂ.18.42 લાખનો વિદેશી દારૂનું જથ્થો પકડી પડ્યો હતો. આ સાથે જ પોલીસે ત્રણ આરોપીની પણ ધરપકડ કરી છે. મળતી માહિતી મુજબ, વડોદરા જિલ્લાની વારણામા પોલીસની ટિમ પેટ્રોલિંગમાં હતી. આ દરમિયાન પોલીસને બાતમી મળી હતી કે, ઈટોલા ગામમાં આવેલી આર્યકુમાર મહાસભા વડોદરા દ્વારા સંચાલિત આર્ય કન્યા વ્યાયમ મહાવિધાલયના એક બંધ ઓરડામાં મોટી માત્રામાં વિદેશી દારૂના જથ્થાનો રાખવામાં આવ્યો છે.

બાતમીના આધારે પોલીસે રેડ પાડી

ઈટોલામાં આર્યકુમાર મહાસભા વડોદરા દ્વારા સંચાલિત આર્યકન્યા વ્યાયામ મહાવિદ્યાલયના બંધ બિલ્ડિંગમાં પહેલા માળે આવેલ એક બંધ ઓરડામાં મયંક ઉર્ફે નાનકો સોમાભાઈ પટેલ રહે ઈટોલા અને ધવલ કિરીટભાઈ પટેલ રહે નીજાનંદ સોસાયટી ઇટોલા બંનેએ દારૂનો જથ્થો લાવી સંગ્રહ કર્યો છે તેવી બાતમીના આધારે પોલીસે ગઈ સાંજે વ્યાયામ મહા વિદ્યાલયમાં રેડ કરી હતી. મહાવિદ્યાલયમાં એક શખ્સ મળતા તેનું નામ પૂછતા ધર્મેશ મહેશ રબારી રહે મોટા ભીલવાળું ફળિયું ઈટોલા હોવાનું જાણવા મળ્યું હતું તેની પૂછપરછ કરતા પોતે વ્યાયામ શાળામાં નોકરી કરે છે અને શાળાની જમીનમાં ખેતી કરે છે તેમ જણાવ્યું હતું. પોલીસે તેને સાથે રાખીને વ્યાયામ શાળાના પ્રથમ માળે તપાસ કરતા શાળાના ઓરડાઓમાં તાળા મારેલા જણાયા હતા એક ઓરડીમાં નવું તાળું જણાતા પોલીસને શંકા ગઈ હતી અને તે ઓરડી ખોલવા જણાવતા ધર્મેશે બાકીના બધા રૂમોની ચાવી મારી પાસે છે આજ રૂમની નથી તેમ કહેતા પોલીસે તાળું તોડી તપાસ કરતા રૂમમાંથી 18,42,020 લાખ રૂપિયાની કિંમતની 12,092 નંગ બોટલો મળી આવી હતી. આ અંગે પોલીસે ધર્મેશની વધુ પૂછપરછ કરતા તેને કબુલાત કરી હતી કે મયંક પટેલ તારીખ 29 ના રોજ બપોરે અહીં આવીને દારૂનો જથ્થો ઉતારી ગયો હતો. વરણામાં પોલીસે વિદેશી દારૂનો જથ્થો જપ્ત કરી આરોપીઓ મયંક સોમાભાઈ પટેલ, ધવલ કીરીટભાઈ પટેલ તથા ધર્મેશભાઈ મહેશભાઈ રબારીની ધરપકડ કરી હતી. પોલીસે ગુનો નોંધી કાયદેસરની કાર્યવાહી હાથ ધરી હતી.