નકલી ખાદ્ય પદાર્થો મળવાની ઘટનાઓ રોકાવાનું નામ નથી લઈ રહી. એક બાદ એક નકલી ખાદ્ય પદાર્થો બનાવતી ફેક્ટરીઓ ઝડપાઈ રહી છે. થોડા સમય પહેલા નકલી ઘી બનાવતી ફેક્ટરી ડીસામાંથી ઝડપાઈ હતી ત્યારે ફરી એક વખત નકલી ઘી બનાવતી ફેક્ટરી અમરેલીથી ઝડપાઈ છે.અમૃત મિનરલ વોટર પાણીનાં પ્લાન્ટની આડમાં મોટી માત્રામાં ઘીનો જથ્થો મળી આવ્યો હતો. મળતી માહિતી પ્રમાણે અમરેલીના લીલીયાના પીપળવા ગામમાં એક ફેકટરી પર દરોડા પાડવામાં આવ્યા ત્યારે આ કૌભાંડ ઝડપાયું હતું.

અનેક વખત પકડાય છે નકલી ખાદ્ય પદાર્થોનો જથ્થો 

છેલ્લા ઘણા સમયથી નકલી શબ્દ સાંભળવો સામાન્ય બની ગયું છે. કોઈ વખત નકલી અધિકારી બનીને ફરતા લોકો ઝડપાય છે તો કોઈ વખત નકલી ખાદ્ય પદાર્થોનો જથ્થો પકડાય છે. નકલી ખાદ્ય પદાર્થો બનાવતી ફેક્ટરીઓ પકડાઈ રહી છે. થોડા સમય પહેલા ડીસામાંથી નકલી ઘી બનાવતી ફેક્ટરી ઝડપાઈ હતી ત્યારે આજે આવા જ સમાચાર અમરેલીથી સામે આવ્યા છે. થોડા પૈસાની લાલચમાં વેપારીઓ લોકોના જીવન સાથે ચેડા કરી રહ્યા છે. આપણે એવું માનતા હોઈએ છીએ કે સારૂ જમાવાનું ખાઈએ તો આપણે સાજા રહીએ. બિમારીઓ ઓછી થાય. વાત પણ સાચી છે પરંતુ તે જ ખાવાનું, તે જ મસાલા નકલી હોય તો? શરીરને પોષણ આપવાની જગ્યાએ શરીરને બિમાર પાડવાનું કામ કરે. 

પાણીના પ્લાન્ટમાં ધમધમતી હતી નકલી ઘી બનાવવાની ફેક્ટરી 

નકલી ખાદ્ય પ્રદાર્થોનો જથ્થો અનેક વખત મળી આવે છે. રેડ દરમિયાન આવો જથ્થો મળી આવી છે. નકલી વસ્તુઓ બનાવીને વેચવાવાના રેકેટ પણ પર્દાફાશ થાય છે. ત્યારે અમરેલીમાં મોડી રાત્રે પીપળવા ગામ નજીક પાણીના પ્લાન્ટમાં દરોડા પાડવામાં આવ્યા હતા.  બતાવવા માટે તો તે પાણીનો પ્લાન્ટ હતો પરંતુ તેની આડમાં નકલી ઘીની મોટી ફેક્ટરી ધમધમી રહી હતી. પોલીસની ટીમને આ અંગે બાતમી મળી હતી અને તેના આધારે ત્યાં રેડ પાડવામાં આવી. જે પછી પીપળવા પાણીના પ્લાન્ટની આડમાં ચાલી રહેલી ઘીની ફેક્ટરીમાંથી મોટી માત્રામાં ઘીનો જથ્થો મળી આવ્યો હતો. ફ્રુડ એન્ડ ડ્રગ્સ વિભાગની ટીમે ત્યાં પહોંચીને ઘીના સેમ્પલ લીધા હતા. મળતી માહિતી અનુસાર નકલી ઘીનો જથ્થો, વનસ્પતિ તેલ, બેરલ મશીનરી સહિતના મુદ્દામાલને કબજે કરવામાં આવ્યા છે. મહત્વનું છે કે થોડા સમય પહેલા ડિસામાંથી પણ આવી ફેક્ટરી મળી આવી હતી.