દિવાળીના સમયે મોરબીમાં ઝૂલતા પૂલ દુર્ઘટના સર્જાઈ હતી જેમાં 135 જેટલા લોકોના મોત થયા હતા. આ ઘટનાને યાદ કરી મૃતકોના પરિવારજનોના આંસુ હજુ સુકાયા નથી. આ ઘટના બાદ ઓરેવા કંપનીના માલિક જયસુખ પટેલ સામે લોકોનો રોષ ભભૂકી ઉઠ્યો હતો. આ મામલે હાઈકોર્ટમાં સુનાવણી ચાલી રહી છે. તે બધા વચ્ચે જયસુખ પટેલના સમર્થનમાં અનેક લોકો તેમજ ધાર્મિક સંસ્થાઓ આવી છે. ઉમિયાધામ સીદસર દ્વારા એક પત્ર લખવામાં આવ્યો છે જેમાં તેઓ જયસુખ પટેલનું સમર્થન કરી રહ્યા છે. તે સિવાય ભાજપના પૂર્વ ધારાસભ્ય બાવનજી મેતાલીયા તેમના સમર્થનમાં આવ્યા છે.

ભાજપના પૂર્વ ધારાસભ્ય આવ્યા સમર્થનમાં 

મોરબીમાં દિવાળીના સમયે હોનારત સર્જાઈ હતી જેમાં મચ્છુ નદી પર બનેલો ઝૂલતો પુલ તૂટી પડ્યો હતો. આ દુર્ઘટનામાં 135 જેટલા લોકોના મોત થયા હતા. આ ઘટનામાં મોતને ભેટેલા લોકોના પરિવારજનો હજી સૂધી આઘાતમાં છે. આ મામલે હાઈકોર્ટમાં સૂનાવણી કરવામાં આવી રહી છે. 10 જેટલા લોકો વિરૂદ્ધ કેસ ચાલી રહ્યો છે. જયસુખ પટેલ વિરૂદ્ધ લોકોમાં રોષ છે તો બીજી તરફ તેમના સમર્થનમાં અનેક લોકો આવ્યા છે. ભાજપના પૂર્વ ધારાસભ્ય બાવનજી મેતલીયાએ જણાવ્યું છે કે હું પણ જયસુખ પટેલને સમર્થન આપું છું. સોશિયલ મીડિયામાં જયસુખ પટેલને ખોટા ચીતરવામાં આવ્યા છે.      

સમર્થનમાં આવ્યું ઉમિયાધામ સિદસર             

ભાજપના પૂર્વ ધારાસભ્ય ઉપરાંત ઉમિયાધામ સિદસર તેમજ અનેક એનજીઓ જયસુખ પટેલના સમર્થનમાં આવ્યું છે. ગઈકાલથી ઉમિયાધામ સંસ્થાનું લેટરપેડ ફરતું થયું છે. આ પત્રમાં જયસુખ પટેલના સમર્થનમાં હોવાની વાત કરવામાં આવી છે.પત્રમાં લખવામાં આવ્યું હતું કે આપણે સૌ જયસુખભાઈનું સમર્થન કરીએ. ઝૂલતા પુલની ટિકિટથી જયસુખભાઈ કમાણી કરતા હોય તે વાત સદંતર ખોટી છે. જયસુખભાઈ અને તેમની કંપની દ્વારા લાખો રુપિયાનો ખર્ચ મેન્ટેનન્સ માટે કરવામાં આવ્યો છે. 10-15 રુપિયાની ટિકિટ છે ખર્ચ પણ ન નીકળે ત્યારે જયસુખભાઈ ટિકિટના દરમાંથી કમાણી કરતા હોય તે વાત સદંતર ખોટી છે. તે સિવાય અનેક સમાજ પણ તેમના સર્મથનમાં આવ્યા છે.