.jpg "The News Reporter")
રાજ્યમાં પંચાયત સેવા પસંદગી મંડળ વર્ગ 3 જુનિયર ક્લાર્કની પરીક્ષાનું પેપર લીક થયા બાદ હડકંપ મચી ગયો છે. સમગ્ર રાજ્યમાં ઉમેદવારો જબરદસ્ત ધરણા અને પ્રદર્શનો કરી રહ્યા છે. એક પરીક્ષા પણ સારી રીતે યોજવામાં નિષ્ફળ ભાજપની સરકાર પર ચારે બાજુથી માછલા ધોવામાં આવી રહ્યા છે. પરીક્ષાર્થીઓની સાથે સાથે-સાથે વિરોધ પક્ષોએ પણ સરકારને નિશાન બનાવી આકરા પ્રહારો કર્યા છે. આમ આદમી પાર્ટી અને કોંગ્રેસના નેતાઓએ સોશિયલ મીડિયાના માધ્યમથી તેમનો રોષ વ્યક્ત કરી રહ્યા છે ત્યારે આપના નેતા ગોપાલ ઈટાલિયાએ કવિતા લખીને તેમની વ્યથા વર્ણવી છે.
પેપર લીક કાંડ મુદ્દે ઈટાલિયાએ કવિતા લખી
જુનિયર ક્લાર્કની પરીક્ષાનું પેપર લીક થયા બાદ આપના નેતા ગોપાલ ઈટાલિયાએ કવિતા લખીને ભાજપની સરકારની મનસુફી પર મર્મવેધક કટાક્ષ કર્યો છે. ગોપાલ ઈટાલિયા તેમની કવિતાનો પ્રારંભ જ 'અમે તો ભાજપવાળા ભાઈ'થી કરે છે. ગળું ફાડીને રોષ વ્યક્ત કરવાને બદલે ગોપાલ ઈટાલિયાએ કવિતાનો ઉપયોગ એક હથિયાર તરીકે કર્યો છે. ગોપાલ ઈટાલિયાની આ કવિતા હાલ સોશિયલ મીડિયા પર ખુબ વાયરલ થઈ રહી છે.
