GPSCની પરીક્ષાની તૈયારી કરતા ઉમેદવારો માટે ગુડ ન્યુઝ, વર્ષ 2023નું ભરતી કેલેન્ડર જાહેર થયું

Published By :
Published Date : 2023-01-30 20:31:56

ગુજરાત સરકારના વિવિધ વિભાગોની નોકરીમાં જોડાવા ઇચ્છુક અને તે માટે તૈયારીઓ કરતા ઉમેદવારો માટે સારા સમાચાર આનંદના સમાચાર આવ્યા છે. સરકારી વિભાગોમાં વર્ગ-1 અને વર્ગ-2 અધિકારી બનવા માંગતા ઉમેદવારો માટે ગુજરાત પબ્લિક સર્વિસ કમિશન (GPSC)એ વર્ષ 2023 માટેનું ભરતી કેલેન્ડર જાહેર કર્યું છે. GPSCએ આગામી મે 2023થી ડિસેમ્બર 2023 સુધીની ભરતી કેલેન્ડર જાહેર કર્યું છે. આ કેલેન્ડર પ્રમાણે ગુજરાત સરકારના વિવિધ વિભાગોમાં ખાલી પડેલા પદો પર યોગ્ય ઉમેદવારોની ભરતી કરાશે.

GPSC 2023નું કેલેન્ડર જાહેર, મેથી ડિસેમ્બર સુધી 96 પરીક્ષા લેવાશે, 150 જગ્યાઓ પર DySOની પરીક્ષા જુલાઈમાં લેવાશે#JAMAWAT #GPSC #dyso pic.twitter.com/sZJCzsutjm
— Jamawat (@Jamawat3) January 30, 2023
96 પરીક્ષાની જાહેરાત

GPSCના કેલેન્ડરમાં 96 પરીક્ષાની જાહેરાત થઈ છે જે સમયાંતરે લેવાશે, કેલેન્ડરમાં જગ્યાઓની સંખ્યા, તારીખ પ્રિલિમીનરી પરીક્ષાની તારીખો પ્રિલિમીનરી પરીક્ષાના રિઝલ્ટ સહિતની માહિતી જાહેર કરાઈ છે. આ બધી પરીક્ષાઓ એમસીક્યૂ બેઝ્ડ કે કોમ્પ્યુટર બેઝ્ડ રહેશે. દરેક મહિના પ્રમાણે ભરતીની તારીખોની વિગત આ મુજબ છે

મે મહિનો

મે માસમાં કુલ 12 પરીક્ષાનું નોટિફિકેશન આવશે. જો કે આ બાર પરીક્ષા કોઈને કોઈ વિષયને લગતી પરીક્ષા છે અને આ પરીક્ષા આપવા માટે તે વિષયની ડિગ્રી હોવી જરૂરી છે.

જૂન મહિનો

જૂન માસમાં કુલ 14 પરીક્ષાનું નોટિફિકેશન આવશે, જેમાં ડોક્ટર વિષયક પરીક્ષાઓ વધારે છે. જૂન મહિનામાં કાર્ડિયોલોજિસ્ટ, ન્યૂરો, ગ્સ્ટ્રો, પેડિયા વગેરેની વિષયની પરીક્ષાઓ યોજાશે.

જુલાઈ મહિનો

જુલાઈ માસમાં જીપીએસસી કુલ 19 પરીક્ષાનું નોટિફિકેશન આવશે. જેમાં સૌથી મહત્વની ગણી શકાય તેવી પરીક્ષા ડેપ્યુટી સેક્શન ઓફિસર (DYSO)ની છે. આ પદ માટે અંદાજે 150 જગ્યાઓની એક્ઝામ જુલાઈ માસમાં લેવાશે. 15 જુલાઈએ પરીક્ષાનું નોટિફિકેશન બહાર પડશે અને 15 ઓક્ટોબરે પ્રિલિમીનરી એટલે કે પ્રાથમિક પરીક્ષા લેવાશે અને જાન્યુઆરી માસમાં પ્રિલિમીનરી પરીક્ષાનું પરિણામ આવશે. જો કે હજુ ઈન્ટરવ્યૂ ક્યારે લેવાશે કે મેઈન્સની DYSO પરીક્ષા ક્યારે લેવાશે તે નક્કી નથી. માત્ર પ્રિલિમીનરી પરીક્ષાની માહિતી અપાઈ છે અને કેટલી જગ્યા પર પરીક્ષા લેવાશે તેની માહિતી અપાઈ છે. DYSO સિવાય બીજી કાયદા અધિકારી અને ડોક્ટરી સર્વિસ માટેની પરીક્ષાઓ લેવાશે.

ઓગસ્ટ મહિનો

ઓગસ્ટ મહિનામાં સાત પરીક્ષાના નોટિફિકેશન આવશે.આ બધી પરીક્ષા સાયન્સ સબ્જેક્ટ સાથે જોડાયેલી છે. જેમાં આ કેલેન્ડરની સૌથી મહત્વની પરીક્ષા એટલે કે GPSC ક્લાસ વન અને જીપીએસસી ક્લાસ ટુની પરીક્ષા લેવાશે. ગુજરાત નગરપાલિકા મુખ્ય અધિકારી સેવા વર્ગ બેની પણ પરીક્ષા લેવાશે. કુલ 100 જેટલી જગ્યાઓ પર 15 ઓગસ્ટના GPSC વન ટુની પ્રાથમિક પરીક્ષાની નોટિફિકેશન બહાર પડશે. 5 નવેમ્બરે આ પરીક્ષાના યોજાશે. જાન્યુઆરી 2024માં ક્લાસ વન ટુની પ્રી પરીક્ષાના પરિણામ આવશે. એન્જિનિયરિંગ ક્લાસ ટુની પરીક્ષા પણ ઓગ્સટ માસમાં જ લેવાશે. ઈન્જિનિયરિંગ ક્લાસ ટુની પરીક્ષા 100 જેટલી જગ્યાઓ પર લેવાશે. 15 ઓગસ્ટે નોટિફિકેશન બહાર પડશે અને 26 નવેમ્બરે પ્રી લેવાશે. પ્રીના રિઝલ્ટ ફેબ્રુઆરી 2024માં આવશે.

સપ્ટેમ્બર મહિનો

સપ્ટેમ્બર મહિનામાં કુલ 13 પરીક્ષાના નોટિફિકેશન આવશે. જેમાં સાયન્સ ફિલ્ડની મહત્વની પરીક્ષાઓ લેવાશે. સપ્ટેમ્બરમાં જુનિયર સ્ટાફ ઓફીસરની 1, મદદનીશ વાહન વ્યવહાર નિરીક્ષક ક્લાસ 3ની 25 જગ્યાઓ પર પરીક્ષા લેવાશે.

ઓક્ટોબર મહિનો

ઓક્ટોબર મહિનામાં 6 પરીક્ષાના નોટિફિકેશન આવશે. જેમાં 30 જગ્યા માટે આસિસ્ટન્ટ એન્જિનિયર ક્લાસ ટુની પરીક્ષાનું નોટિફિકેશ આવશે. આ સિવાય નાયબ કાર્યપાલક એન્જિનિયર, ટાઉન પ્લાનર ક્લાસ વન સહિતની પરીક્ષાના નોટિફિકેશન બહાર પડશે.

નવેમ્બર મહિનો

નવેમ્બર માસમાં સાત પરીક્ષાના નોટિફિકેશન બહાર પડશે. જેમાં ગાંધીનગર મ્યૂનિસિપાલિટી ક્લાસ ટુ અને ક્લાસ વનની પરીક્ષાઓ રહેશે. આ સિવાય નવેમ્બર માસમાં એન્જિનિયરિંગ સબ્જેક્ટ રિલેટેડ નોટિફિકેશન બહાર પડશે.

ડિસેમ્બર મહિનો

અને છેલ્લે ડિસેમ્બર 2023માં 12 પરીક્ષાના નોટિફિકેશન બહાર પડશે. જેમાં મોટા ભાગની પરીક્ષાઓ મેડિકલ સેક્ટર સંબંધીત છે.

ગુજરાતમાં મંત્રીમંડળના વિસ્તરણ પછી , નવા મંત્રીઓએ પદભાર સંભાળીને કામ શરુ કરી દીધું છે. ત્યારે હવે બે મંત્રીઓને પ્રવક્તા મંત્રી બનાવવામાં આવ્યા છે. નાયબ મુખ્યમંત્રી હર્ષ સંઘવીને પ્રવક્તા મંત્રી તરીકેની જવાબદારી આપવામાં આવી છે. સાથે જ જીતુ વાઘાણીને પણ પ્રવક્તા મંત્રી બનાવવામાં આવ્યા છે. આ અગાઉ ઋષિકેશ પટેલ પ્રવક્તા મંત્રી હતા.

2025-10-29 14:24:52

જૂનાગઢમાં ટીકર ગામે ઓઝત નદીમાં ડૂબી રહેલા યુવાનોને બચાવવા જતા ભારતીય સેનામાં ફરજ બજાવતા જવાન ભરતભાઈ ભેટારીયાએ પોતાનો જીવ ગુમાવ્યો છે. જેનાથી સમગ્ર જૂનાગઢમાં શોકની લાગણી ફરી વળી છે. ભરતભાઈ લદ્દાખના લેહ ખાતે ફરજ બજાવતા હતા. તેઓ દિવાળીની રજાઓ ઉપર વતન આવ્યા હતા. ભરતભાઈએ ઓઝત નદીમાં જે યુવાનો ડૂબી રહ્યા હતા તે ત્રણ યુવાનોને પોતાના જીવની કુરબાની આપીને બચાવ્યા હતા. તેમની અંતિમ યાત્રામાં આખું ગામ હીબકે ચઢ્યું હતું.

2025-10-24 20:30:36

આંતરરાષ્ટ્રીય સંબંધોમાં USના પ્રમુખ ડોનાલ્ડ ટ્રમ્પ ફરી એકવાર ચર્ચાઓમાં છે તેમણે ફરી એકવાર , ભારતને લઇને નિવેદનબાજીઓ કરી છે. ડોનાલ્ડ ટ્રમ્પને અપેક્ષા છે કે , ભારત આ વર્ષના અંતથી રશિયન ક્રૂડની આયાત કરવાનું બંધ કરી દેશે. આ ઉપરાંત ડોનાલ્ડ ટ્રમ્પએ ચીન વિશે નિવેદન આપતા કહ્યું છે કે , બાઈડેન અને ઓબામાની નીતિઓના કારણે ચીન અને રશિયા એક થયા છે. બાકી બંને મિત્ર રહી શકે તેમ છે જ નહીં. ચીનના રશિયા સાથેના સંબંધો અલગ પ્રકારના છે.

2025-10-23 20:16:16

રાજકોટના ગોંડલના ખુબ ચર્ચિત રાજકુમાર જાટ કેસમાં આ આખા કેસની તપાસ હવે સુરેન્દ્રનગરના SP , IPS પ્રેમસુખ ડેલુંને સોંપાઈ છે. જે ડી પુરોહિત કે જેઓ ધ્રાંગધ્રાના DYSP છે એ તેમને આ કેસની તપાસમાં મદદ કરશે. આમ હવે રાજકુમાર જાટ કેસમાં તપાસ માટે એક નવી તપાસ ટીમ બનાવવામાં આવશે. રાજકુમાર જાટના પરિવારજનોનું માનવું છે કે , સ્થાનિક પોલીસ પૂર્વ MLA જયરાજસિંહને બચાવી રહી છે. આ કેસની વધુ તપાસ CBIને સોંપવામાં આવે તેવી અરજી પણ તેમના દ્વારા દાખલ કરવામાં આવી હતી. ગુજરાત હાઇકોર્ટ દ્વારા આ કેસને લઇને મહત્વના નિર્દેશ આપવામાં આવ્યા છે.

2025-10-15 20:59:28

Jamawat Media ગુજરાતનું પહેલું ડિજીટલ માધ્યમ જે તમારી ભાષામાં તમને જરૂરી સમાચાર આપે છે, માત્ર સમાચાર નહીં પણ ગુજરાતને જરૂરી વિચાર અને અભિપ્રાયો પણ હોય છે, ક્યારેક સત્તા સુઈ જાય તો એને ઢંઢોળે છે, ક્યારેક વિપક્ષની આળસને પડકારે છે, તમારા પ્રશ્નો ના સંભળાય ત્યાં પોતે વિપક્ષ બની જાય છે, અને જનતા રાજનીતિક ચશ્મા પહેરીને દંભી બનતી જાય તો તમારી અંદરના નાગરીકને પણ ઢંઢોળે છે, જમાવટ તમને મોજ આપશે, સંતોષ આપશે, મજા કરાવશે પણ તમારી અંદર દેશ માટેના કર્તવ્ય અને નાગરીકના અધિકારોની ચેતના જીવંત રાખશે

© 2023 Jamawat.

Website Design & Developed By Seawind Solution Pvt. Ltd - web design Ahmedabad | web development Ahmedab