Gujarat Rain : ધોધમાર વરસાદ થવાની આગાહી Ambalal Patelએ કરી! જાણો કયારે અને ક્યાં આવી શકે છે વરસાદ?


  • Published By :
  • Published Date : 2024-06-24 14:44:06

રાજ્યમાં વરસાદી માહોલ જામ્યો છે. અનેક ભાગોમાં ધોધમાર વરસાદ વરસી રહ્યો છે. ચોમાસાની મોસમ રાજ્યમાં જામી છે.. મેઘમહેર જોવા મળી રહી છે ગુજરાતના અનેક ભાગોમાં. હવામાન વિભાગ દ્વારા આગાહી કરવામાં આવી છે કે રાજ્યના અનેક વિસ્તારોમાં ગાજવીજ સાથે વરસાદ વરસી શકે છે.. 29 તારીખ સુધી કયા કયા વિસ્તારોમાં વરસાદ આવશે તેની આગાહી હવામાન વિભાગે કરી છે. હવામાન વિભાગ દ્વારા તો વરસાદને લઈ આગાહી કરવામાં આવી છે પરંતુ વરસાદને લઈ હવામાન નિષ્ણાત અંબાલાલ પટેલ દ્વારા પણ ધોધમાર વરસાદની આગાહી કરવામાં આવી છે. 


ક્યાં માટે કરી અંબાલાલ કાકાએ વરસાદની આગાહી? 

જ્યારે જ્યારે વરસાદને લઈ આગાહીની વાત કરવામાં આવે છે ત્યારે હવામાન વિભાગની સાથે સાથે હવામાન નિષ્ણાત અંબાલાલ પટેલની આગાહી પર પણ ધ્યાન આપવામાં આવે છે. હવામાન નિષ્ણાત અંબાલાલ પટેલે આગાહી કરતા જણાવ્યું કે 26મીએ દક્ષિણ ગુજરાતમાં ભારેથી અતિભારે વરસાદ થઈ શકે છે. જૂનાગઢ, જામનગર, દ્વારકા સહિતના વિસ્તારોમાં ભારે વરસાદની શક્યતા છે.



રાજ્યમાં જામશે વરસાદી માહોલ 

તે સિવાય દરિયાકાંઠાના વિસ્તારોમાં પણ ભારે વરસાદ વરસી શકે છે. 28 તારીખ સુધીમાં જૂનાગઢના અનેક ભાગોમાં ભારેથી અતિભારે વરસાદ વરસી શકે છે..બોટાદ, અમદાવાદ, જામનગર, પંચમહાલ સહિતના વિસ્તારોમાં સારો વરસાદ આવી શકે છે તેવી વાત અંબાલાલ કાકાએ કરી હતી. આવતી કાલથી રાજ્યમાં ધોધમાર વરસાદ વરસી શકે છે તેવી વાત અંબાલાલ પટેલે કરી છે. 



વરસાદ થતા ખેડૂતોએ લીધો રાહતનો શ્વાસ 

મહત્વનું છે કે આ વખતે ચોમાસાનું આગમન વહેલા થઈ ગયું હતું પરંતુ આવતાની સાથે જ સિસ્ટમ નબળી પડી ગઈ જેને કારણે વરસાદ વરસ્યો ના હતો. વરસાદનું આગમન સમય કરતા વહેલા થઈ ગયું હતું જેને કારણે ખેડૂતોને આશા હતી કે આ વખતે સારો પાક થશે, સારો વરસાદ થશે.. પરંતુ વરસાદ ના થવાને કારણે જગતના તાત ચિંતિત થઈ ગયા. ત્યારે હવે વરસાદની પધરામણી થવાથી જગતના તાતે રાહતનો શ્વાસ લીધો છે. વહેલી સવારથી અનેક વિસ્તારોમાં વરસાદી માહોલ જામ્યો છે. મહત્વનું છે કે અનેક દ્રશ્યો આપણી સામે આવ્યા છે જેમાં લોકોને હાલાકી વેઠવાનો વારો આવ્યો છે. ત્યારે તમારે ત્યાં કેવું વાતાવરણ છે તે અમને કમેન્ટ બોક્સમાં જણાવજો..   




દેદિયાપાડાના MLA ચૈતર વસાવાની જામીન અરજી પર આજે ગુજરાત હાઇકોર્ટમાં સુનાવણી થવાની હતી. જેમાં હવે સમાચાર આવ્યા છે કે , ચૈતર વસાવાની જામીન અરજી પર આજે સુનાવણી નઈ થાય. ગુજરાત હાઇકોર્ટના વકીલોની હડતાળને કારણે સુનાવણી નહિ થાય. આજે ગુજરાત હાઇકોર્ટમાં ધારાસભ્ય ચૈતર વસાવાની જામીન અરજી પર સુનાવણી હાથ ધરાવવાની હતી . પરંતુ હવે વકીલોની હડતાળના કારણે આ સુનાવણી ટળી ગઈ છે . આમ હવે MLA ચૈતર વસાવાનો જેલવાસ લંબાયો છે .

પોન્ઝી સ્કીમ કૌભાંડના આરોપી ભુપેન્દ્ર સિંહ ઝાલા વિશે એક મહત્વના સમાચાર પ્રાપ્ત થઇ રહ્યા છે . ભુપેન્દ્ર સિંહ ઝાલાની જામીન અરજી ગુજરાત હાઇકોર્ટ દ્વારા મંજુર કરવામાં આવી છે. ગુજરાત હાઇકોર્ટે પોન્ઝી સ્કીમ કૌભાંડના આરોપી ભુપેન્દ્ર સિંહ ઝાલાની જામીન અરજી શરતોને આધારે મંજુર કરી છે. ભુપેન્દ્ર સિંહ ઝાલાને ૮ મહિનાથી વધુના જેલવાસ પછી ગુજરાત હાઇકોર્ટ દ્વારા જામીન આપવામાં આવ્યા છે .

અમદાવાદના સેવન્થ ડે સ્કૂલની ઘટનાની સંપૂર્ણ તપાસ હાલમાં ક્રાઇમ બ્રાન્ચ દ્વારા કરવામાં આવી રહી છે. અને હવે ક્રાઇમ બ્રાન્ચ સેવન્થ ડે સ્કૂલની ઘટનામાં તેના સંચાલકો સામે ફરિયાદ દાખલ કરવા માટે કોર્ટની મંજૂરી મેળવશે . હાલમાં ક્રાઇમ બ્રાન્ચની ટિમ આખી ઘટનાની અંદર ઝીણવટભરી તપાસ કરી રહી છે . આપને જણાવી દયિકે , આ આખી ઘટનામાં , સેવન્થ ડે સ્કૂલના સંચાલકોની ખુબ ભારે બેદરકારી સામે આવી છે .

સમાજમાં કેટલીકવાર એવી ઘટનાઓ અને ગુનાઓ બનતા હોય છે કે જેના કારણે સમાજની આત્માને કુઠારાઘાત પહોંચતો હોય છે. આવી જ એક ઘટના અમદાવાદના હાટકેશ્વર ખાતે બની છે . જ્યાં સેવન્થ ડે સ્કૂલમાં ધક્કામુક્કી જેવી સામાન્ય બાબતે ધોરણ ૮ માં ભણતો વિદ્યાર્થી દસમા ધોરણમાં ભણતા છોકરાને ધારદાર વસ્તુના ઘા મારીને મારી નાખે છે . જેના પ્રત્યાઘાત હવે ખુબ ઊંડા પડ્યા છે. આજે ૨૧ ઓગસ્ટના રોજ યુથ કોંગ્રેસ અને NSUI દ્વારા સ્કૂલને તાળાબંધીનું એલાન કરવામાં આવ્યું છે. ઉપરાંત વિશ્વ હિન્દૂ પરિષદ દ્વારા મણિનગર અને આસપાસના વિસ્તારોમાં સ્કૂલો બંધ રાખી વિસ્તારને બંધ રાખવાનું એલાન કરવામાં આવ્યું છે . સાથે જ અમદાવાદના મણિનગર વિસ્તારમાં આવેલી સિંધી માર્કેટ આજે બંધ છે.