ગુજરાતમાં એક તરફ કાળઝાળ ગરમીનો અહેસાસ થઈ રહ્યો છે તો બીજી તરફ રાજ્યના અનેક ભાગો માટે કમોસમી વરસાદની આગાહી કરવામાં આવી છે..  હવામાન વિભાગ દ્વારા તેમજ હવામાન નિષ્ણાત દ્વારા માવઠાની આગાહી કરવામાં આવી છે.. 11 તારીખ બાદ અનેક ભાગોમાં કમોસમી વરસાદ વરસી શકે છે અને આ આગાહીને કારણે જગતના તાતની ચિંતા વધી છે.. જો વિસ્તારોની વાત કરવામાં આવે તો દક્ષિણ ગુજરાત તેમજ સૌરાષ્ટ્રના અનેક ભાગોમાં કમોસમી વરસાદ વરસી શકે છે.. 

જગતના તાતને થાય છે કમોસમી વરસાદથી ભારે નુકસાન

હવામાનમાં આવતા ફેરફારની સીધી અસર આપણને નથી થતી, ગરમીમાં વરસાદ પડે તો આપણને થાય કે ચલો ગરમીથી થોડી રાહત મળશે.. પરંતુ આપણે જગતના તાત દ્વારા પાક પાછળ કરવામાં આવેલી મહેનતને ભૂલી જઈએ છીએ.. પાક સારો જાય એની આશા સાથે તે પાકની સાર સંભાળ લે છે.. સંતાનની જેમ ઉછેરે છે પરંતુ જ્યારે કમોસમી વરસાદ આવે છે ત્યારે તેમની મહેનત પર પાણી ફરી જાય છે.. ત્યારે રાજ્યમાં ફરી એક વખત કમોસમી વરસાદની આગાહી કરવામાં આવી છે... 12 તારીખ બાદ રાજ્યના અનેક ભાગોમાં કમોસમી વરસાદની આગાહી કરવામાં આવી છે.. 

ક્યારે ક્યાં માટે કરવામાં આવી કમોસમી વરસાદની આગાહી? 

11 મે માટે કરવામાં આવેલી આગાહી અનુસાર નર્મદા, ડાંગ, નવસારી તેમજ વલસાડમાં વરસાદ વરસી શકે છે જ્યારે અરવલ્લી., સાબરકાંઠા, દાહોદ, છોટા ઉદેપુર, નવસારી, વલસાડ, નર્મદા, ડાંગ સહિતના ભાગોમાં માવઠું વરસી શકે છે. તે સિવાય 12 તારીખે સાબરકાંઠા, અરવલ્લી, નર્મદા, તાપી સહિતના ભાગોમાં કમોસમી વરસાદની આગાહી કરવામાં આવી છે.. વલસાડ. નવસારી, ડાંગ, બોટાદ, જામનગર, અમરેલી, ભાવનગર, બોટાદમાં 14 તારીખ દરમિયાન કમોસમી વરસાદ વરસી શકે છે જ્યારે 15 તારીખે વલસાડ, ડાંગ, તાપી તેમજ નવસારીમાં કમોસમી વરસાદ વરસી શકે છે.

ગુરૂવારે ક્યાં કેટલી નોંધાઈ ગરમી? 

ગુરૂવારે નોંધાયેલા તાપમાનની વાત કરીએ તો અમદાવાદમાં 43.0 મહત્તમ તાપમાન નોંધાયું હતું. ડીસામાં 40.7 જ્યારે ગાંધીનગરમાં 41.6 ડિગ્રી તાપમાન નોંધાયું હતું. વલ્લભ વિદ્યાનગરનું તાપમાન 41.9 ડિગ્રી તાપમાન નોંધાયું હતું. વડોદરાનું તાપમાન 40.8 ડિગ્રી જ્યારે સુરતનું તાપમાન 34.0 ડિગ્રી નોંધાયું હતું. વલસાડનું તાપમાન 34.8 ડિગ્રી જ્યારે દમણનું તાપમાન 33.8 ડિગ્રી, ભુજનું તાપમાન 40.7 ડિગ્રી તાપમાન નોંધાયું છે.. અમરેલીનું તાપમાન 41.2 ડિગ્રી તાપમાન, દ્વારકાનું તાપમાન 33.1 ડિગ્રી નોંધાયું હતું..