રાજ્યની શિક્ષણ સંસ્થાઓમાં નમાજ પઢવાની ઘટનાઓના કારણે સતત વિવાદો થતાં છે. મુસ્લિમ વિદ્યાર્થીઓના શાળા, કોલેજો અને યુનિવર્સિટી કેમ્પસમાં નમાજ પઢતા વીડિયો અવારનવાર વાયરલ થતા હિંદુ સંગઠનો તેની સામે તીવ્ર આક્રોશ વ્યક્ત કરતા રહે છે. જેમ કે કચ્છની એક પ્રાઈવેટ સ્કૂલ અને વડોદરાની MS યુનિવર્સિટીમાં વિદ્યાર્થિની નમાજ પડતી હોય તેવો વીડિયો સામે આવતા હોબાળો થયો છે.

બકરી ઇદની ઉજવણી

કચ્છમાં એક ખાનગી શાળામાં હિન્દુ વિદ્યાર્થીઓને નમાઝ પઢતા શીખવાડાતી હોવાનો વીડિયો સામે આવ્યા બાદ હોબાળો મચી ગયો છે. આ વીડિયો અત્યારે સોશ્યલ મીડિયા પર ખુબ જ વાયરલ થઇ રહ્યો છે. કચ્છના મુન્દ્રાની પ્રાઈવેટ સ્કૂલ પર્લ સ્કૂલ ઓફ એક્સિલેન્સમાં ગઇકાલે બકરી દઇના તહેવારની ઉજવણી કરવામાં આવી હતી. આ દરમિયાન શાળામાં હિન્દુ વિદ્યાર્થીઓને મુસ્લિમ વિદ્યાર્થીઓની સાથે નમાઝ પઢતા શીખવાડવામાં આવી હતી. શાળાના આવા કૃત્ય બાદ વિવાદ વકર્યો હતો અને વિદ્યાર્થીઓના વાલીઓ શાળામાં હોબાળો મચાવ્યો હતો. નોંધવા જેવી બાબત એ છે કે,  પર્લ સ્કૂલ ઓફ એક્સિલેન્સના ધોરણ 5ના વિદ્યાર્થીઓ પાસે આ રીતે પરફોર્મન્સ કરાવવામાં આવ્યું હતુ. 

વડોદરાની MS યુનિ.માં નમાજને લઈ બબાલ

વડોદરાની વિશ્વવિખ્યાત MS યુનિવર્સિટીમાં કોઈ વિદ્યાર્થિની નમાજ પડતી હોય તેવો વિડિયો સામે આવ્યો છે. સાયન્સ ફેકલ્ટીના બોટની ડિપાર્ટમેન્ટમાં વિદ્યાર્થિની નમાજ પડતા વિડીયો વાયરલ થયો હતો, યુનિવર્સિટી સત્તાધીશોએ આ મામલે હાઈ પાવર ડિસિપ્લીનરી કમિટીને તપાસ સોંપી છે. 

અગાઉ પણ વીડિયો થયા છે વાયરલ

મુસ્લિમ યુવક અને યુવતીઓ દ્વારા નમાજ પડવાનું છેલ્લા કેટલાય સમયથી ચાલી રહ્યું છે તેવી વિગતો સપાટી ઉપર આવી હતી. આ પહેલાં પણ સંસ્કૃત ફેકલ્ટી બહાર નમાજ પડતા યુવકોનોવીડિયો  બે વખત સામે આવ્યો હતો. હિન્દુ સંગઠનોએ રજૂઆત કરી હતી જે બાદ વધુ એક વિડિયો સાયન્સ ફેકલ્ટીના બોટની ડિપાર્ટમેન્ટમાં મુસ્લિમ વિદ્યાર્થિની નમાજ અદા કરતી હોય તેઓ વીડિયો સામે આવ્યો હતો. મુસ્લિમ વિદ્યાર્થીનીઓએ પણ કહ્યું હતું કે હા, અમે પણ નમાજ પડીએ છીએ કેમ કે નમાજનો સમય થયો હોય અને અમે જે પણ જગ્યાએ હોય ત્યાં અમે નમાજ અદા કરીએ છીએ. યુનિવર્સિટીમાં પણ અમે નમાજ પઢેલી છે. જોકે આ પ્રકારનો વિડીયો સામે આવતા હિન્દુ સંગઠનો યુનિવર્સિટી તંત્રને અનેક વખત રજૂઆત કરી હોવા છતાં કોઈ પરિણામ આવ્યું નથી.