.jpg "The News Reporter")
એક તરફ અમેરિકા અને ઈરાન વચ્ચે જબરદસ્ત તણાવ જબરદસ્ત સ્તરે પહોંચી ગયો છે. અમેરિકાએ ઈરાનના કેશમ આઇલેન્ડ પર હુમલો કરી દીધો છે તો બીજી તરફ , ઈરાને કુવૈત પર મિસાઇલો દાગી છે. હવે , કુવૈતમાં ઈરાનના હુમલામાં ૧ વ્યક્તિએ જીવ પણ ગુમાવ્યો છે. પશ્ચિમ એશિયા ફરી એકવાર ભીષણ યુદ્ધની ધરી પર પહોંચી ગયું છે.
અમેરિકાના સેન્ટ્રલ કમાન્ડ દ્વારા પ્લેટફોર્મ એક્સ પર સત્તાવાર જાણકારી આપવામાં આવી છે કે , સ્ટ્રેટ ઓફ હોર્મુઝના નાકે આવેલા કેશમ આઇલેન્ડ પર અમેરિકા દ્વારા ભીષણ હુમલો કરવામાં આવ્યો છે. આ પછી ઈરાન ઝૂક્યું નથી તેણે પણ આ હુમલાનો વળતો જવાબ આપ્યો છે. ઈરાને કુવૈતમાં અમેરિકાનું લશ્કરી થાણું આવેલું છે તેની પર હુમલો કરવામાં આવ્યો છે. કુવૈતની સેના દ્વારા પ્લેટફોર્મ એક્સ પર ટ્વીટ કરીને જાણકારી આપવામાં આવી છે કે, " કુવૈતની એર ડિફેન્સ સિસ્ટમ સતત દુશ્મનોની મિસાઇલો અને ડ્રોનને તોડી રહ્યું છે. અમે અપીલ કરીએ છીએ કે , જો તમને સાયરન અથવા વિસ્ફોટના અવાજ સંભળાય તો ગભરાતા નહિ. આ આપણી તરફનું એક્શન છે. મહેરબાની કરીને સુરક્ષાના નિયમોનું પાલન કરો." હવે કુવૈત ઇન્ટરનેશનલ એરપોર્ટ પર ઈરાનના હુમલામાં એક વ્યક્તિએ જીવ ગુમાવ્યો છે જેનાથી કુવૈતમાં ખળભળાટ મચી ગયો છે.
ઈરાનના સરકારી મીડિયા IRIB ( ઇસ્લામિક રિપબ્લિક ઓફ ઈરાન બ્રોડકાસ્ટિંગ) દ્વારા પોસ્ટ કરીને જાણકારી આપવામાં આવી છે કે , " અમેરિકાએ સ્ટ્રેટ ઓફ હોર્મુઝ , પર્શિયન ગલ્ફ , કેશમ આઇલેન્ડ પર આવેલા ઈરાનના ઠેકાણાઓને નિશાન બનાવ્યા છે . આ પછી કુવૈત પર હુમલો કરવામાં આવ્યો છે. " બીજી તરફ બહેરીનના ગૃહ મંત્રાલય દ્વારા પણ પ્લેટોફોર્મ એક્સ પર જાણકારી આપવામાં આવી છે કે, મિસાઇલો ઇન્ટરસેપત કરવા માટે સાઇરન એક્ટિવ કરવામાં આવ્યા છે. દેશના નાગરિકોએ આ સમયમાં ધીરજ અને શાંતિ જાળવવી ખુબ જરૂરી છે. ઈરાને બહેરીનમાં અમેરિકાની નૌકા સેનાનું ફિફ્થ ફ્લીટનું જે વડું મથક આવેલું છે તેની પર હુમલો કરવામાં આવ્યો છે. જોકે બહેરીન પર અટેક કરવાના ઈરાનના દાવાને અમેરિકાના સેન્ટ્રલ કમાન્ડે નકારી દીધું છે. હવે આપણે જાણીએ કે , ઈરાન અને અમેરિકા વચ્ચેની પીસ ડીલ ક્યાં સુધી પહોંચી છે તો , બંને દેશો વચ્ચે કરારોને લઇને એગ્રીમેન્ટ તૈયાર થઇ ગયા છે પરંતુ , બને દેશોના હાઇકમાન્ડ તરફથી મંજૂરી મળવાની બાકી છે. એગ્રીમેન્ટમાં દાવો કરવામાં આવ્યો છે કે , હવે ૬૦ દિવસ સુધી સીઝફાયરને વધારવામાં આવશે. આ ઉપરાંત હોર્મુઝ પણ ખુલી જશે. પરંતુ હજુ સુધી કોઈપણ કરારો પર હસ્તાક્ષર નથી થયા. ઈરાનનું વલણ સાફ છે કે ,અમેરિકાની મનમાની અને એકતરફી શરતો આગળ ઝુકવામાં નઈ આવે
