સોશિયલ મીડિયા પર પબ્લિસિટી મેળવવા માટે લોકો રિલ્સ બનાવતા હોય છે. રિલ્સ બનાવી લોકો પ્રસિદ્ધ થવા માગતા હોય છે.. રિલ્સના ચક્કરમાં લોકો પોતાના જીવને ખતરામાં મૂકતા હોય છે.. પોતાના જીવન કરતા રિલ્સને લોકો વધારે પ્રાધાન્ય આપે છે. ત્યારે એક વીડિયો કચ્છથી સામે આવ્યો છે જેમાં સ્ટંટ કરવાના ચક્કરમાં બે થાર દરિયામાં ફસાઈ ગઈ. એક થારનું એન્જિન ફેઈલ થઈ ગયું હતું. કાર ચાલક વિરૂદ્ધ ગુનો નોંધી પોલીસે કાર ડીટેઈન કરી લીધી છે.  

વીડિયો સામે આવ્યો જેમાં.... 

સ્ટંટ કરી પોતાના જીવનને જોખમમાં અનેક લોકો મૂકતા હોય છે. અનેક વીડિયો આપણી સામે છે જેમાં સ્ટંટ, રિલ્સ જીવન કરતા વધારે મહત્વના હોય છે. રિલ્સ બનાવાના ચક્કરમાં ગમે ત્યાં વાહન ચલાવી દેતા હોય છે. કોઈ પહાડ પર સ્ટંટ કરતા દેખાય છે તો કોઈ રસ્તા પર સ્ટંટ કરતા દેખાય છે. ત્યારે એક વીડિયો કચ્છથી સામે આવ્યો છે જેમાં બે થાર ગાડી દરિયામાં ફસાઈ ગઈ છે. આનો વીડિયો સોશિયલ મીડિયા પર વાયરલ થઈ રહ્યો છે. 

દરિયામાં બે થાર ફસાઈ અને પછી....  

જે વીડિયો સામે આવ્યો છે તે મુન્દ્રાના ભદ્રેશ્વર નજીકના રંઘ બંદરનો હોવાનું માનવામાં આવી રહ્યું છે. સ્ટંટ કરવાના ચક્કરમાં દરિયામાં થાર લઈ ગયા અને ત્યાં ગાડી ફસાઈ ગઈ. એક ગાડીનું એન્જીન ફેલ થઈ ગયું. મળતી માહિતી અનુસાર દરિયામાં બંધ પડેલી ગાડીને બહાર કાઢવા માટે ટ્રેક્ટરની મદદ લેવામાં આવી. આ વીડિયો વાયરલ થયા બાદ પોલીસ એક્શનમાં દેખાઈ.  બન્ને થાર ચાલકની ઓળખ થઈ ચૂકી છે. તે પૈકી એકની ગાંધીધામ ખાતેથી અટકાયત કરી મુન્દ્રા ખાતે લાવવામાં આવી રહ્યો છે. 

રિલ્સના ચક્કરમાં લોકો પોતાના જીવનને મૂકે છે સંકટમાં 

મહત્વનું છે કે આવા અનેક વીડિયો આપણી સામે છે જેમાં લોકો જીવને જોખમમાં મૂકે છે માત્ર સોશિયલ મીડિયામાં પ્રસિદ્ધ થવા માટે.. તેમને એવું લાગે છે કે જો આવા સ્ટંટ કરીને તે પ્રસિદ્ધ થઈ જશે તો લોકો તેમને ઓખળતા થઈ જશે.. તે ફેમસ થઈ જશે.. પરંતુ લોકો ભૂલી જાય છે કે આવું કરીને તે પોતાના જીવનને સંકટમાં મૂકે છે.. સ્ટંટ કરતી વખતે કોઈ ઉંચ નીચ થઈ તો તેમને પોતાનું જીવન ગુમાવું પડે છે. ત્યારે આ મામલે તમારૂં શું માનવું છે તે અમને કમેન્ટ બોક્સમાં જણાવજો...