રશિયા યુક્રેન વચ્ચેના સંઘર્ષની સ્થિતિ બ્રેક નથી મારી રહી. યુક્રેનમાં રશિયા દ્વારા સતત હુમલાઓ કરવામાં આવી રહ્યા છે. યુક્રેનવાસીઓએ પણ પોતાના શહેરો છોડી દીધા છે યુક્રેનમાં રહેતા ભારતીય મૂળના લોકોની સુરક્ષા માટે નિર્ણયો લેવામાં આવ્યા છે. યુક્રેનના ભારતીય દૂતાવાસે પરિપત્ર જાહેર કરી ભારતીયોને તરત જ યુક્રેન છોડવા કહી દીધું છે. 

ભારતીય દૂતાવાસે આ કડક સૂચના આપી 

યુક્રેનના ભારતના દૂતાવાસે પરિપત્ર જાહેર કરીને સૂચના આપી છે કે યુક્રેન અને રશિયા વચ્ચે બગડતી સુરક્ષાની સ્થિતિ વચ્ચે હાલમાં યુક્રેનમાં રહેતા ભારતીય મૂળના નાગરિકોને અને ભણવા માટે ગયેલા વિદ્યાર્થીઓને યુક્રેન છોડવા માટે સલાહ આપવામાં આવે છે.