ઈઝરાયેલ અને હમાસ વચ્ચે છેલ્લા ઘણા દિવસોથી યુદ્ધ ચાલી રહ્યું છે. આ યુદ્ધમાં અંદાજીત 5 હજાર જેટલા લોકોના મોત થઈ ગયા છે. આ બધા વચ્ચે ગાઝાની હોસ્પિટલમાં વિસ્ફોટ કરવામાં આવ્યો હતો. આ વિસ્ફોટમાં અનેકો લોકોના મોત થયા છે. વિસ્ફોટ બાદ અલગ અલગ જગ્યાઓ પર પ્રદર્શન શરૂ થઈ ગયા હોય તેવા દ્રશ્યો સામે આવ્યા હતા. ફિલિસ્તાની નાગરિકોએ વિરોધ કર્યો હતો જે દરમિયાન તેમના અને સુરક્ષા બળો વચ્ચે ઝપાઝપીના દ્રશ્યો સર્જાયા હતા. આ હવાઈ હુમલો મધ્ય ગાઝાની અલ અહલી હોસ્પિટલ પર કર્યો છે. તેને ગાઝા પટ્ટીની છેલ્લી ક્રિશ્ચિયન હોસ્પિટલ કહેવાય છે. 

હોસ્પિટલમાં હુમલો થવાને કારણે થયા 500 લોકોના મોત! 

છેલ્લા 12 દિવસથી ઈઝરાયેલ અને હમાસ વચ્ચે ચાલી રહેલા યુદ્ધના સમાચારો આવી રહ્યા છે. યુદ્ધને કારણે અનેક નિર્દોષ લોકોએ પોતાનો જીવ ગુમાવ્યો છે. ત્યારે હવાઈ હુમલો હોસ્પિટલ પર કરવામાં આવ્યો છે જ્યાં ઈજાગ્રસ્તો સારવાર લઈ રહ્યા હતા. આ હુમલાને કારણે 500 જેટલા લોકોના મોત થયા છે. ગાઝા સ્વાસ્થ્ય મંત્રાલયનું કહેવું છે કે, મંગળવારે ઈઝરાયલી સેનાએ અલ અહલી અરબી બાપટિસ્ટ હોસ્પિટલ પર એર સ્ટ્રાઈટક કરી હતી. ઈઝરાયેલે આ આરોપોને નકારી કાઢ્યો છે. 

શું કહ્યું ઈઝરાયેલના પીએમ નેતન્યાહુએ?

ઈઝરાયેલ દેશના વડાપ્રધાન બેન્જામિન નેતન્યાહુએ કહ્યું કે આખી દુનિયા જાણે છે કે આ હુમલો બર્બર આતંકવાદીઓ દ્વારા કરવામાં આવ્યો હતો, જેઓ આપણા બાળકોને મારી નાખે છે, તેઓ પોતાના બાળકોને પણ મારી નાખે છે. બીજી તરફ પેલેસ્ટિનિયન ઈસ્લામિક જેહાદે કહ્યું છે કે ઈઝરાયેલ ખોટા આરોપો લગાવીને પોતાની જવાબદારીથી બચવાનો પ્રયાસ કરી રહ્યું છે. ઈસ્લામિક જીહાદ પર આ બ્લાસ્ટ કરવાનો આરોપ લગાવવામાં આવ્યો છે. પીએમે આને લઈ ટ્વિટ કર્યું છે.

Deeply shocked at the tragic loss of lives at the Al Ahli Hospital in Gaza. Our heartfelt condolences to the families of the victims, and prayers for speedy recovery of those injured.

Civilian casualties in the ongoing conflict are a matter of serious and continuing concern.…

— Narendra Modi (@narendramodi) October 18, 2023