.jpg "The News Reporter")
અમદાવાદમાં ભગવાન જગન્નાથની 146મી રથયાત્રાનો પ્રારંભ થઈ ગયો છે. આમ તો ભગવાનના દર્શન કરવા ભક્તોએ મંદિરમાં જવું પડે છે પરંતુ માત્ર અષાઢી બીજ ભગવાન સામે ચાલીને ભક્તોને દર્શન આપે છે. બહેન સુભદ્રા તેમજ ભાઈ બલભદ્ર સાથે ભગવાન નગરચર્યાએ નીકળે છે. ત્યારે વાજતે ગાજતે અમદાવાદમાં જગન્નાથજીની રથયાત્રાનું પ્રસ્થાન થઈ ચૂક્યું છે. મુખ્યમંત્રી ભૂપેન્દ્ર પટેલે પહિંદ વિધી કરી તે બાદ ભગવાન નગરચર્યાએ નીકળ્યા. 
અમિત શાહે કરી મંગળા આરતી
કેન્દ્રીય ગૃહમંત્રી અમિત શાહે પરિવાર સાથે મંગળા આરતીનો લાભ લીધો હતો. 4.30 વાગ્યે ભગવાનને ખીચડીનો ભોગ ધરાવવામાં આવ્યો. તે બાદ 6.30 વાગ્યે ભગવાનને નવનિર્મિત રથમાં બિરાજમાન કરાવવામાં આવ્યા. વહેલી સવારથી મંદિરમાં ભાવિકોની ભારે ભીડ ઉમટી પડી હતી. જય રણછોડ માખણ ચોરના નાદથી મંદિર ગુંજી ઉઠ્યું હતું. પહેલા ભાઈ બલભદ્રના રથનું પ્રસ્થાન થયું, તે બાદ બહેન સુભદ્રાના રથનું પ્રસ્થાન થયું અને તે બાદ જગતના નાથ ભગવાન જગન્નાથના રથનું પ્રસ્થાન થયું.
