પહેલી એપ્રિલથી અનેક ચીજ વસ્તુઓનો માર સહન કરવા તૈયાર રહેવું પડશે. અનેક ચીજ વસ્તુઓ મોંઘી થઈ ગઈ છે. સૌથી પહેલા જો મધ્યમ વર્ગીય પરિવારને લગતી વસ્તુની વાત કરીએ તો અમૂલ દૂધે દૂધના ભાવમાં વધારો કર્યો છે. દૂધની વિવિધ વેરાઈટીઓમાં ભાવ વધારો કરવામાં આવ્યો છે. અમૂલ ગોલ્ડના ભાવમાં વધારો થયો છે, અમૂલ તાજા ઉપરાંત અમૂલ શક્તિના ભાવમાં વધારો થયો છે. ઉપરાંત ટી સ્પેશિયલ , કાઉ મિલ્ક, ચા મઝા, સ્લીમ એન્ડ ટ્રીમ, એટુ ગાયનું દૂધ, બફેલો મિલ્ક સહિતની બ્રાન્ડમાં ભાવ વધારો ઝીંકાયો છે.

મોંઘવારીનો માર સહન કરવા લોકો મજબૂર બન્યા! 

મોંઘવારીનો માર સહન કરવા મધ્યમવર્ગીય પરિવાર  મજબૂર બન્યો છે. મોંઘવારી સતત વધી રહી છે. ફરી એક વખત અમૂલે પોતાની વિવિધ વેરાઈટીઓના ભાવમાં વધારો કર્યો છે. જેમાં  અમૂલ ગોલ્ડના ભાવમાં વધારો થયો છે, તાજામાં ઉપરાંત શક્તિના ભાવમાં વધારો થયો છે. ઉપરાંત ટી સ્પેશિયલ , કાઉ મિલ્ક, ચા મઝા, સ્લીમ એન્ડ ટ્રીમ, એટુ ગાયનું દૂધ, બફેલો મિલ્ક સહિતની વસ્તુઓના ભાવમાં વધારો કરાયો છે. દૂધના ભાવ વધતા સવારની ચા પણ મોંઘી લાગવાની છે.  

જો તમારે આ વસ્તુઓ લેવી હશે તો આટલા ચૂકવવા પડશે પૈસા   

અમૂલ ગોલ્ડના પ્રતિલીટરે 2 રુપિયાનો ભાવ વધારો કરવામાં આવ્યો છે. અમૂલ ગોલ્ડ હવે પ્રતિ લિટર રૂ. 64, અમૂલ શક્તિ રૂ. 58 પ્રતિ લિટર અને અમૂલ તાઝા રૂ. 52 પ્રતિ લિટરના ભાવે વેચાશે. આ સાથે બફેલો દૂધના ભાવમાં પ્રતિ લીટરે રૂ.4નો વધારો કરાયો છે. જે હવે રૂ.34 પ્રતિ 500 મી.લીના કિંમતને વેચાશે. અમલૂ ટી સ્પેશ્યલ પણ હવે રૂ.29ના બદલે રૂ.30 (500મિલી)માં વેચાશે. અમૂલ ડીટીએમ (સ્લીમ અને ટ્રીમ) દૂધ પણ રૂ.22થી વધીને રૂ.23 (500મિલી) થઈ ગયું છે.

6 મહિનાની અંદર બીજી વખત અમૂલે કર્યો ભાવ વધારો 

જો અમૂલ દ્વારા કરવામાં આવેલા ભાવ વધારાની વાત કરીએ તો અમૂલ ડેરીએ 6 મહિનામાં બીજી વખત ભાવ વધારો કર્યો છે. મોંઘવારીના સમયમાં જીવન જરૂરી વસ્તુઓમાં અનેક વખત ભાવ વધારો કરવામાં આવી રહ્યો છે જેને કારણે  ગૃહિણીનું બજેટ ખોરવાઈ રહ્યું છે. કોઈ વખત પેટ્રોલ-ડિઝલના ભાવમાં વધારો થાય છે તો કોઈ વખત દૂધના ભાવમાં તોતિંગ ભાવ વધારો કરવામાં આવ્યો છે.