NIA આજે PFI Raid આતંકવાદી ફંડિંગને લઈને ઘણા રાજ્યોમાં ફરીથી દરોડા પાડી રહી છે. દિલ્હી, યુપી અને આસામમાંથી PFIના કેટલાય સભ્યોની અટકાયત કરવામાં આવી છે. આ પહેલા 22 સપ્ટેમ્બરે પણ ઘણા રાજ્યોમાં દરોડા પાડવામાં આવ્યા હતા.

નેશનલ ઇન્વેસ્ટિગેશન એજન્સી (NIA) ફરી ટેરર ​​ફંડિંગના સંબંધમાં પોપ્યુલર ફ્રન્ટ ઓફ ઇન્ડિયા (PFI)ના પરિસરમાં દરોડા પાડી રહી છે. આસામ અને યુપી સિવાય NIAએ મંગળવારે સવારે અનેક રાજ્યોમાં દરોડા પાડ્યા છે. દરોડા દરમિયાન NIAએ PFIના અનેક સભ્યોની અટકાયત કરી છે.

આસામમાંથી ચાર સભ્યોની અટકાયત.

આસામના એડીજીપી (સ્પેશિયલ બ્રાન્ચ) હિરેન નાથે જણાવ્યું હતું કે નગરબેરા વિસ્તારમાંથી PFIના ચાર સભ્યોની અટકાયત કરવામાં આવી છે. તેમણે કહ્યું કે જિલ્લામાં ઘણી જગ્યાએ પીએફઆઈ વિરુદ્ધ ઓપરેશન ચાલી રહ્યું છે.

યુપીમાં પણ દરોડા.

એનઆઈએની ટીમે યુપીના કેટલાક વિસ્તારોમાં પણ દરોડા પાડ્યા છે. NIAએ બુલંદશહર અને મેરઠમાં દરોડા પાડ્યા છે. એનઆઈએના સૂત્રોના જણાવ્યા અનુસાર યુપીમાં પણ પીએફઆઈના ઘણા સભ્યોની અટકાયત કરવામાં આવી છે.

કર્ણાટકમાં ઘણા લોકો કસ્ટડીમાં છે.

NIAની ટીમે કર્ણાટકના મેંગલુરુમાં પણ દરોડા પાડ્યા છે. પોલીસ અધિકારી એન શશિ કુમારે કહ્યું કે દરોડા દરમિયાન પીએફઆઈના ઘણા સભ્યોને કસ્ટડીમાં લેવામાં આવ્યા છે. CrPCની કલમ 107/151 હેઠળ પણ કેસ નોંધવામાં આવ્યો છે.

22 સપ્ટેમ્બરે 15 રાજ્યોમાં દરોડા પાડવામાં આવ્યા હતા.

અગાઉ, 22 સપ્ટેમ્બરના રોજ, NIA, ED અને અન્ય એજન્સીઓ સાથે મળીને 15 રાજ્યોમાં PFIના 93 સ્થાનો પર દરોડા પાડ્યા હતા. દરોડામાં PFI પ્રમુખ OMA સલમાન, P કોયા, E અબુબકર, ઇલામરામ અને CP મોહમ્મદ બસીર સહિત 106 સભ્યોની ધરપકડ કરવામાં આવી હતી. આ દરમિયાન આતંકવાદી ગતિવિધિઓ અને ફંડિંગ સંબંધિત મહત્વપૂર્ણ દસ્તાવેજો પણ મળી આવ્યા હતા.

યુવાનોને આતંકવાદી તાલીમ આપવાનો આરોપ.

એનઆઈએના એક વરિષ્ઠ અધિકારીએ જણાવ્યું કે દરોડા દરમિયાન કેટલાક દસ્તાવેજો પણ મળ્યા છે. જે દર્શાવે છે કે પીએફઆઈ દેશમાં આતંકવાદી પ્રવૃતિઓમાં સામેલ છે, યુવાનોને આતંકવાદી તાલીમ આપવી, રમખાણો ભડકાવવા અને નિર્દોષ લોકોની હત્યા કરવા ઉપરાંત યુવાનોને આતંકવાદી સંગઠન ઈસ્લામિક સ્ટેટ (આઈએસઆઈએસ)માં જોડાવા માટે ધર્માંધતાનો પાઠ ભણાવવા માટે ઉશ્કેરણી કરી રહી હતી.