રાજકોટમાં બનેલી ઘટના બાદ સરકાર ઉંઘમાંથી જાગી હોય તેવું લાગે છે.. એવા આદેશ આપ્યા છે કે જ્યાં ફાયર એનઓસી નથી ત્યાં પગલા લો.. અલગ અલગ જગ્યાઓ પર ચેકિંગ કરાઈ રહ્યું છે.. સરકાર દ્વારા ફાયર એનઓસી નથી ત્યાં એક્શન લેવાઈ રહ્યા છે. જગ્યાને સિલ કરવામાં આવી રહી છે.. ત્યારે સવાલ થાય કે શું સરકાર જૂનાગઢમાં આવેલી મેડિકલ કોલેજ, હોસ્પિટલ વિરૂદ્ધ પગલા લેશે?  જૂનાગઢમાં આવેલી મેડીકલ કૉલેજ પાસે આજની તારીખે પણ ફાયર એનઓસી છે જ નહીં. મેડિકલ કોલેજ શરૂ થયે વર્ષો વિતી ગયા પરંતુ હજી સુધી ત્યાં ફાયર એનઓસી નથી.. જે લોકો જીવ કેવી રીતે બચાવવો તેની ટ્રેનિંગ લઈ રહ્યા હોય તેમના જીવ સુરક્ષિત નથી... 

શું અધિકારીઓની જવાબદારી નથી કે તે સમયાંતરે ચેકિંગ કરે?

સરકાર દ્વારા એક્શન લેવાઈ રહ્યા છે તેની ના નથી પરંતુ તે મુખ્યત્વે મર્યાદીત હોય છે..હમણાં ગેમ ઝોનમાં દુર્ઘટના બની છે એટલે રાજ્યમાં આવેલા ગેન ઝોનમાં ચેકિંગ કરાઈ રહ્યું છે..મોરબી ઝૂલતા પૂલમાં જે દુર્ઘટના સર્જાઈ તે બાદ બ્રિજોનું ચેકિંગ કરવામાં આવ્યું વગેરે વગેરે.. આપણે શા માટે એક્શન કોઈ દુર્ઘટના ઘટે છે તે બાદ લઈએ છીએ? શું તંત્રની, અધિકારીઓની જવાબદારીમાં નથી આવતું તે સમયાંતરે આવું ચેકિંગ હાથ ધરે? સરકારની આંખ ત્યારે જ ખુલે છે જ્યારે આવી દુર્ઘટનાઓ થાય છે,અનેક જિંદગીઓ જાય છે..!  

આપણે આપણી અને આપણા બાળકોની રક્ષા માટે બોલવું પડશે... 

અનેક વખત અમે કહીએ છીએ કે પોતાના માટે અવાજ ઉઠાવો.. પોતાના સ્વજનોની રક્ષા કરવા માટે  બોલો.. મૌન તમને બાળે તે પહેલા બોલો.. દરેક શહેરના નાગરીકોએ પોતાના શહેરની, પોતાના સ્વજનોની પોતાના બાળકોની ચિંતા કરવી પડશે, બાકી આપણી પાસે કશું જ નહીં બચે. સુરતમાં કશુંક થાય તો સુરતમાં ફેલાયેલા સન્નાટાની વાત કરીએ, મોરબીમાં કોઈ મરે તો ત્યાં મરશીયા ગાઈએ રાજકોટ રડે તો ત્યાંના રોકકળની વાત કરીએ.. પરંતુ આપણે આપણા માટે બોલવું પડશે..   

જૂનાગઢમાં આવેલી મેડિકલ કોલેજ પાસે નથી એનઓસી 

જૂનાગઢ વિશે વાત કરીને વારાફરતી અનેક શહેરોની સ્થિતિ વિશે વાત કરવાની શરૂઆત કરવી છે.તમને જાણીને આઘાત લાગશે કે ગુજરાતના આ અતિશય સુંદર અને પવિત્ર શહેરને અત્યાર સુધી ભગવાને બચાવીને રાખ્યું છે, બાકી અંધાધુંધી તો અહીંયા ભયાનક હદે ફેલાયેલી છે.એ અંધાધુંધી માત્ર ખાનગી માલિકીની જગ્યાઓમાં નહીં, સરકારી જગ્યાઓમાં પણ છે. જૂનાગઢમાં આવેલી મેડીકલ કૉલેજ પાસે આજની તારીખે પણ ફાયર એનઓસી છે જ નહીં. અને ફાયર એનઓસી ના હોય તો કોઈ પણ ખાનગી જગ્યાએ બીયુ પરમિશન ના મળે અને બીયુ ના મળે તો તમે એ જગ્યા વાપરી ના શકો અને વાપરો તો ગુનો બને.... પણ જો એ સરકારી ઈમારત છે તો નિયમો અને એમને જાણે કોઈ જ લેવાદેવા નથી. 

8 વખત નોટિસ ફટકારવામાં આવી પરંતુ.. 

આ સંદર્ભે જમાવટની ટીમે જૂનાગઢના ચીફ ફાયર ઓફીસર સાથે પણ વાત કરી, એમનું નામ દિપક જાની છે અને એ પોતે સ્વિકારી રહ્યા છે કે 8-8 વખત એમને નોટીસ ફટકારવા છતાં હજુ પણ ફાયર સેફ્ટી માટેનું કામ ચાલુ જ છે, અને સરકારી કામ છે, ધીરે ધીરે થાય એમ કરીને જબરદસ્ત ખેંચાઈ રહ્યું છે... આ ધીરે ધીરે કેટલું ધીરે એનો કોઈ પાસે જવાબ નથી કેમ કે કૉલેજ શરૂ થયે પણ વર્ષો થઈ ગયા છે. પણ દુનિયાનો જીવ બચાવવાનું ભણતા છોકરાઓના પોતાના જીવ જોખમમાં છે. આવું જ ત્યાંની હોસ્પિટલમાં પણ છે...

 જે લોકો ત્યાં જીવ બચાવવા માટે આવ્યા છે તેમનો જીવ પણ જોખમમાં છે.. કદાચ આવી તો અનેક સરકારી ઈમારતો હશે જેની પાસે ફાયર એનઓસી નહીં હોય.. ત્યારે એટલું જ કહેવું છે કે માંઝી હી નાંવ ડુબોયે તો ઉસે કૌન બચાયે...