.jpg "The News Reporter")
જે ભરોસાની ભાજપના શેરીઓમાં વાહન ચલાવીને ગુણગાન ગવાઈ રહ્યા છે અને સરકારે સંપૂર્ણ ગુજરાતમાં નળથી પાણી આપ્યું છે તેવી જાહેરાત કરી દીધી છે તેની વચ્ચે જૂનાગઢના જંગર ગામના લોકો પાણી માટે બે દાયકાથી વલખા મારી રહ્યા છે. જંગર ગામ નજીક ચાર-ચાર ડેમ હોવા છતાં ગામમાં પાણીના પ્રશ્નો ત્યાંને ત્યાં જ છે. જેના કારણે જંગર ગામના લોકોએ ચૂંટણીનો બહિષ્કાર કર્યો છે અને કોઈ પણ રાજકીય પાર્ટીઓને ગામમાં ફરકવા નહીં દેવાની ચીમકી ઉચ્ચારી છે.
કંટાળીને ગામના લોકોએ મતદાન નહીં કરવાનો નિર્ણય લીધો
પ્રધાનમંત્રીના કાર્યકાળના પહેલાના સમયથી આ લોકો કેનાલ માટે માગ કરી રહ્યા છે. ત્યારબાદ અનેક પાર્ટીઓ આવી મત લઈને જતી પણ રહી, પણ કામ ના થયું. 2009ના સમયમાં કેનાલની મંજૂરી અપાઈ હતી પરંતુ એ પણ આજની પરિસ્થિતિમાં લટકેલી પડી છે. એસ્ટિમેટ અપાઈ ગયું છે છતાં કામગીરી હજુ પણ નથી કરવામાં આવી. અંતે કંટાળીના 2 હજાર ગ્રામજનોએ સાથે મળીને ચૂંટણીમાં મતદાન નહીં કરવાનો નિર્ણય કર્યો છે.
