આજકાલ લોકો સોશિયલ મીડિયામાં ખૂબ રચ્યાપચ્યા જોવા મળે છે. રીલ્સ તેમજ વીડિયો પોસ્ટ કરી લાઈક્સ માટે તેઓ અલગ અલગ સ્ટંટ કરતા હોય છે. ત્યારે એક વીડિયો સામે આવ્યો છે જેમાં એક યુવક વાળ કપાવવા જાય છે. પરંતુ કાતરની જગ્યાએ તે જ્વલનશીલ કેમિકલનો ઉપયોગ કરે છે પરંતુ યુવક આગમાં લપેટાઈ જાય છે. વલસાડના વાપીના યુવકનો આ વીડિયો છે. યુવકના માથાના ભાગમાં આગ લાગી હતી. જેને કારણે તે દાઝી ગયો. સારવાર માટે હોસ્પિટલ ખસેડવામાં આવ્યો હતો.

વાળ કપાવતી વખતે માથું ભડભડ બળવા લાગ્યું

બદલાતા સમય સાથે પદ્ધતિમાં અનેક ફેરફાર આવ્યો છે. વાળ કપાવતી સમયે એક યુવકે કાતરની બદલીમાં ફાયરની મદદથી વાળ કપાવાનું નક્કી કર્યું હતું. જેને કારણે તેની સાથે દુર્ઘટના સર્જાઈ હતી. નવી સ્ટાઈલથી વાળ કપાવવાની હોશિયારી યુવકને ભારે પડી છે. જ્યારે તે આગની મદદથી વાળ કપાવતો હતો તે સમયે અચાનક યુવકના માથાના ભાગમાં આગ લાગી. જેથી યુવક દાઝી ગયો હતો. જેને કારણે યુવકના વાળ બળવા લાગ્યા હતા. યુવક ચીસો પાડીને દુકાનની બહાર ભાગી ગયો. યુવકને પ્રાથમિક સારવાર મળી રહે તે માટે વલસાડની સિવિલ હોસ્પિટલમાં અને ત્યારબાદ વધુ સારવાર માટે સુરતની સિવિલ હોસ્પિટલમાં ખસેડવામાં આવ્યો છે.